Monday, May 31, 2010

டிவி பார்ப்பதை விட்டதால் சாதித்தேன் என்கிறார் ஜாஸ்மின்




ஏகஇறைவனின் திருப்பெயரால்...

நடுத்தர குடும்பத்தில் பிறந்து மாநகராட்சி பள்ளியில் படித்து முதலிடம் பிடித்த ஜாஸ்மின்
டி.வி. பார்ப்பதை விட்டதால் சாதித்தேன் என்கிறார்

பணம் இருந்தால்தான் படிக்க முடியும். தனியார் பள்ளியில் படித்தால்தான் நிறைய மதிப்பெண்கள் வாங்க முடியும் என்று ஒரு மாயை தமிழ்நாட்டில் உள்ளது.

அந்த மாயத்தோற்றத்தை இன்று உடைத்தெறிந்து இருக்கிறார் நெல்லை மாணவி ஜாஸ்மின்.

படிப்பில் முதன்மை பெறுவதற்கு, ஆர்வமும், விடா முயற்சியும் இருந்தாலே போதும் என்று ஜாஸ்மின் எடுத்துக்காட்டி உள்ளார்.

இவை மட்டுமின்றி தமிழக கல்வி வரலாற்றில் இன்னொரு அசாத்திய சாதனையையும் ஜாஸ்மின் புரிந்துள்ளார். மாநகராட்சிப்பள்ளி என்றாலே, கல்வித்தரம் இருக்காது என்று இளக்காரமாக நினைக்கும் மனோபாவம் உள்ளது. அதற்கு ஜாஸ்மின் முற்றுப்புள்ளி வைத்துள்ளார்.

நெல்லை டவுணில் உள்ள மாநகராட்சி மகளிர் மேல்நிலைப்பள்ளி மாணவி ஜாஸ்மின் 495 மதிப்பெண்கள் பெற்று மாநில அளவில் முதலிடம் பெற்று சாதனை படைத்துள்ள நடுத்தர குடும்பத்தை சேர்ந்த ஜாஸ்மினின் தந்தை சேக் தாவூத் ஊர் ஊராக சென்று ஜவுளி வியாபாரம் செய்து வருகிறார். அவரது தாய் நூர்ஜஹான்.

மாணவி ஜாஸ்மினுக்கு இம்ரான் என்ற அண்ணனும், இர்பான் என்ற தம்பியும் உள்ளனர். இவர்களில் இம்ரான் கூலி வேலை செய்து வருகிறார். இர்பான் 6-ம் வகுப்பு படித்து வருகிறார்.

ஜாஸ்மினின் தந்தை ஷேக் தாவூத் மிகவும் கஷ்டப்பட்டே குடும்பத்தை காப்பாற்றி வருகிறார். இருந்த போதிலும் தனது குழந்தைகள் படிப்புக்கு தேவையான வசதிகளை செய்து கொடுத்தார். ஜாஸ்மின் சிறுவயதிலிருந்தே மிகவும் ஆர்வமாக படித்து வருகிறார்.

அவரது ஆர்வத்தை அறிந்து கொண்ட ஷேக் தாவூத்தனது மகளை அதிக செலவு செய்து தனியார் பள்ளியில் படிக்க வைக்க வசதி இல்லாத காரணத்தால் நெல்லை டவுணில் செயல்பட்டு வரும் கல்லணை மாநகராட்சி மகளிர் மேல்நிலைப் பள்ளியில் சேர்த்து படிக்க வைத்தார். தனது குடும்ப நிலையை உணர்ந்த மாணவி ஜாஸ்மின் சிறந்த முறையில் படித்து அனைத்து வகுப்பிலும் முதல் மாணவியாக திகழ்ந்து வந்தார்.

மாணவி ஜாஸ்மின் முதல் வகுப்பிலிருந்து தற்போது வரை நெல்லை டவுண் கல்லணை மாநகராட்சி மகளிர் மேல்நிலைப் பள்ளியிலேயே படித்து வந்தார். அந்த பள்ளியில் மொத்தம் 3,450 மாணவிகள் படித்து வருகின்றனர்.

இங்கு படிக்கும் அனைத்து மாணவிகளும் ஏழை, எளிய மற்றும் நடுத்தர குடும்பத்தை சேர்ந்தவர்கள் ஆவர். இந்த பள்ளி தொடங்கியது முதல் பல்வேறு சாதனைகளை படைத்துள்ளது. மாநகராட்சி பள்ளி என்றாலும் நெல்லையில் உள்ள சிறந்த பள்ளிகளில் ஒன்றாக திகழ்ந்து வருகிறது.

மாநில அளவில் முதல் இடம் பிடித்தது குறித்து மாணவி ஜாஸ்மின் கூறியதாவது:-

மாநில அளவில் சாதனை படைக்க கடினமாக படித்தேன். 498 மதிப்பெண்கள் பெறுவேன் என எதிர் பார்த்தேன். சமூக அறிவியலில் 2 மதிப்பெண்கள் குறைந்து விட்டதால் அதனை பெற முடியவில்லை.

பெரிய பள்ளியில் படித்தால்தான் சாதிக்க முடியும் என்றனர். ஆனால் எங்கள் பள்ளி சாதனை படைத்துள்ளது. இந்த சாதனை கடவுளின் கிருபையால் நடந்தது. ஆசிரியர்கள் சிறந்த முறையில் பயிற்சி அளித்து எனக்கு ஊக்கமளித்தார்கள். மற்ற பள்ளிகளை போல எங்கள் பள்ளியில் 9-ம் வகுப்பு படிக்கும் போதே 10-ம் வகுப்பு பாடங்களை தொடங்குவது கிடையாது. தினமும் காலையிலும், மாலையிலும் படிப்பேன். அன்றைய பாடங்களை அன்றே தவறாமல் படித்து விடுவேன். இரவு 1 மணி வரை படிப்பேன்.

10-ம் வகுப்புக்கு வந்த பிறகு டி.வி பார்க்க மாட்டேன். எனது குடும்பம் நடுத்தர குடும்பம். தற்போதும் வாடகை வீட்டில்தான் வசித்து வருகிறோம். கம்ப்யூட்டர் என்ஜினீயரிங் படிக்க ஆசைபடுகிறேன். அதன் பிறகு ஐ.ஏ.எஸ் முடித்து கலெக்டராகி மக்களுக்கு சேவை செய்வேன்.

இவ்வாறு அவர் கூறினார்.

மாணவி ஜாஸ்மின் குறித்து அவர் படித்த பள்ளியின் தலைமை ஆசிரியர் நடராஜன் கூறியதாவது:-

எங்கள் பள்ளி தொடர்ந்து பல சாதனைகள் படைத்து வருகிறது. இந்த முறை மாநில அளவில் முதலிடத்தை பிடித்தது மிகவும் மகிழ்ச்சி. இதற்கு எங்கள் பள்ளி ஆசிரியர்களின் கடின உழைப்பே முக்கிய காரணம். மாணவி ஜாஸ்மின் மிகவும் அமைதியானவர். நடுத்தர குடும்பத்தை சேர்ந்த அவர் மிகவும் கவனமாக படிப்பார். இதனால் வகுப்பில் முதல் மாணவியாக திகழ்ந்து வந்தார்.

கடந்த ஆண்டு எஸ்.எஸ்.எல்.சி தேர்வில் எங்களது பள்ளி நகராட்சி, மாநகராட்சி பள்ளிகளில் மாநில அளவில் முதல் இடத்தை பிடித்தது. எங்கள் பள்ளி தொடங்கி 60 ஆண்டுகள் ஆகிறது. எனக்கு முன்பிருந்த தலைமை ஆசிரியர்கள், ஆசிரியைகள் கடுமையான அடித்தளம் இட்டு சென்றதால் எங்கள் பள்ளி சாதித்து வருகிறது.

இவ்வாறு அவர் கூறினார்.

மாணவி ஜாஸ்மினின் தந்தை ஷேக்தாவூத் கூறியதாவது:-

நான் கடந்த 17 ஆண்டுகளாக ஜவுளி வியாபாரம் செய்து வருகிறேன். எனது மகள் ஜாஸ்மின் எல்.கே.ஜி.யில் இருந்தே நன்கு படிப்பாள். முதலாம் வகுப்பில் இருந்து கல்லணை மகளிர் மேல் நிலைப்பள்ளியில் படித்து வருகிறாள். மற்ற பள்ளிகளை விட இந்த பள்ளியில் சிறந்த முறையில் மாணவிகளுக்கு பயிற்சி அளிக்கப்படுகிறது.

நான் பெரிய அளவில் படிக்காததால் எனது குழந்தைகளை நன்கு படிக்க வைத்து அவர்களை சமுதாயத்தில் உயர்ந்தவர்களாக்க வேண்டும் என்ற நோக்கத்தில் படிக்க வைத்து வருகிறேன். அதற்கு ஏற்றாற்போல் மகள் ஜாஸ்மின் சிறப்பாக படித்து வருகிறாள். அவள் தொடக்கத்திலிருந்தே படிப்பில் மிகவும் ஆர்வம் காட்டியதால் அவள் படிப்புக்கு எந்த வகையிலும் இடையூறு ஏற்படாத வகையில் சூழ்நிலையை ஏற்படுத்தி கொடுத்தோம்.

தினமும் பள்ளி முடிந்து மாலையில் வீடு வந்தவுடனே படிக்க ஆரம்பித்துவிடுவாள். அதிகமாக டி.வி. பார்க்க மாட்டாள். பத்தாம் வகுப்பிற்கு வந்ததும் டி.வி. பார்க்கும் பழக்கத்தை விட்டு விட்டாள். டியூஷனுக்கு எங்கும் செல்லவில்லை. அன்றைய பாடங்களை அன்றே படித்து வந்ததால் சாதனை படைத்துள்ளார். அவளது விருப்பப்படி படிக்க வைப்பேன்.
இவ்வாறு அவர் கூறினார்
http://www.maalaimalar.com/2010/05/26161455/sslc-exam-results.html


--இது எனக்கு மெயிலில் வந்தது.


--ஆசியா உமர்.

Sunday, May 30, 2010

ஐடியா பராசப்பம்

தேவையான பொருட்கள் ;


மீதமான பிரியாணி அல்லது கீரைஸ்,மருந்து சோறு,புலாவ்,ஃப்ரைட் ரைஸ் எதுவானாலும் - ஒரு கப்


முட்டை - 1


தேங்காய்ப்பால் - ஒருகப்


மைதா அல்லது கோதுமை மாவு - அரை கப்


ரவை - அரை கப்


வெங்காயம் - 2


மிளகாய் - 2


மல்லி கருவேப்பிலை - சிறிது


இஞ்சி பூண்டு - அரை டீஸ்பூன்


கரம் மசாலா - கால்ஸ்பூன்


சோம்பு - கால்ஸ்பூன்


மஞ்சள் தூள் -கால்ஸ்பூன்


எண்ணெய் - தேவைக்கு


உப்பு - தேவைக்கு





செய்முறை :


முதலில் ஒரு கப் சாதத்தை மிக்ஸியில் அரைத்து எடுக்கவும்.க்றி இருந்தால் அதையும் சேர்த்து அரைக்கலாம்.அத்துடன்,மைதா,ரவை தேவைக்கு தண்ணீர் சேர்த்து கரைத்து கொள்ளவும்.


முட்டை உடைத்து அதையும் சேர்க்கவும்.தேங்காய்ப்பால் சேர்க்கவும்.


பின்பு வாணலியில் 2 டேபிள்ஸ்பூன் எண்ணெய் விட்டு நறுக்கிய வெங்காயம் வதக்கி,அத்துடன் இஞ்சி பூண்டு,கரம் மசாலா,சோம்புத்தூள்,மஞ்சள் தூள் சேர்த்து வதக்கவும்.


மிளகாய், மல்லி கருவேப்பிலை கட் செய்து தயார் செய்த மாவுக்கரைசலில் போடவும், வதக்கிய வெங்காயத்தை ஆறியவுடன் போட்டு,உப்பு சரிபார்த்து அடை பதத்தில் கரைத்து கொள்ளவும்.


தோசைக்கலத்தில் எண்ணெய் தடவி மெல்லிதாக அடை போல் சுட்டு எடுக்கவும்.


சுவையான ஐடியா பராசப்பம் ரெடி.




குறிப்பு : இது எங்க மாமா சொல்லி தந்தது.அந்தக்காலத்தில் அவங்க உம்மா அவர்களுக்கு இப்படி சுட்டு கொடுப்பார்களாம்.மணமும் ருசியும் சும்மா சூப்பராக இருக்கும்.ஏதாவது சால்னா அல்லது தேங்காய் சட்னி வைத்து சாப்பிட்டால் அமர்க்களமாக இருக்கும்.அப்படியே சும்மாவே சாப்பிடலாம்.




--ஆசியா உமர்.

Saturday, May 29, 2010

சிம்பிள் சிக்கன் சால்னா

தேவையான பொருட்கள்;

சிக்கன் - முக்கால் கிலோ

உருளை - 300கிராம் (விரும்பினால்)

தக்காளி - 200 கிராம்

வெங்காயம் - 200 கிராம்

பச்சை மிளகாய் - 3

இஞ்சி பூண்டு - 3 டீஸ்பூன்

கரம் மசாலா - அரைஸ்பூன்

சில்லிபவுடர் - 2 டீஸ்பூன்

மஞ்சள் தூள் -அரைஸ்பூன்

மல்லி இலை - சிறிது

தயிர் - 1 டேபிள்ஸ்பூன்

எண்ணெய் - 5 டேபிள்ஸ்பூன்

தேங்காய் - 3 டேபிள்ஸ்பூன்

முந்திரி - 6 பருப்பு

உப்பு - தேவைக்கு.

6 நபர்களுக்கு

செய்முறை:


சிக்கனை சுத்தம் செய்து கட் செய்து கழுவி எடுத்து நீர் வடித்து கொள்ளவும்.பின்பு அத்துடன் தயிர்,மஞ்சள் தூள்,ஒரு டீஸ்பூன் இஞ்சி பூண்டு விழுது,சிறிது சேர்த்து கலந்து வைக்கவும்.


குக்கரில் எண்ணெய் விட்டு காய்ந்ததும்,வெங்காயம் வதக்கி சிவந்ததும்,இஞ்சி பூண்டு,கரம் மசாலா போட்டு வதக்கவும்,பின்பு மல்லி இலை ,மிளகாய்,தக்காளி ,மிள்காய்த்தூள்,உப்பு சேர்த்து வதக்கி சிறிது சிம்மில் மூடி வைக்கவும்.


தக்காளி மசிந்து இப்படி கூட்டு பதம் வரும்.

அத்துடன் ரெடி செய்து வைத்த சிக்கனை சேர்க்கவும்.

பின்பு நன்கு பிரட்டி விடவும்.கவனம் தண்ணீர் சேர்க்கக்கூடாது.
அத்துடன் சிறிது நேரம் கழித்து நறுக்கிய உருளை சேர்க்கவும்.

ஒரு கப் தண்ணீர் சேர்த்து பிரட்டி குக்கரை மூடி இரண்டே விசில் வைக்கவும்.

ஆவியடங்கியதும் குக்கரை திறந்தால் பக்குவமாக சிக்கன்,உருளை வெந்து இருக்கும்.


பின்பு அரைத்த தேங்காய் விழுது சேர்க்கவும்.கொதி வரவும் சிம்மில் வைக்கவும்.


குழம்பு கெட்டிதன்மை ருசிக்கு தகுந்த படி இரண்டு கப் தண்ணீர் தேங்காயுடன் சேர்க்கலாம்.தேங்காய் வாடை மடங்கி எண்ணெய் மெலெழும்பி வரும்.அடுப்பை அணைக்கவும்.

சுவையான சிம்பிள் சிக்கன் சால்னா ரெடி.

குறிப்பு :

ஒன்லி சில்லி பவுடர்,இஞ்சி பூண்டு கரம்மசாலா தான்.காரம் அதிகம் வேண்டும் என்றால் சில்லி பவுடர் அரைஸ்பூன் கூட்டி கொள்ளவும்.ஆனால் ருசியோ சூப்பர்.புலாவ்,பரோட்டா,நாண்,சப்பாத்தி,இட்லி,தோசை,ஆப்பம்,ரொட்டி வகைகள் அனைத்திற்கும் பொருத்தமான ஒரே சால்னா.


--ஆசியா உமர்.

Wednesday, May 26, 2010

சிம்பிள் வெஜ் புலாவ்

தேவையான பொருட்கள் ;


சீரக சம்பா பச்சை அல்லது பாசுமதி அரிசி - அரைகிலோ


எண்ணெய் - 50- மில்லி


நெய் - 50 மில்லி


இஞ்சிபூண்டு பேஸ்ட் - 2 டீஸ்பூன்


ஏலம் - 2


கிராம்பு - 2


பட்டை - 2 சிறியதுண்டு


பிரியாணி இலை அல்லது ரம்பை இலை - சிறிது


புளிக்காத மோர் - ஒரு கப்


வெங்காயம் - 1


தக்காளி - சிறியது-1


மிளகாய் -2


கேரட்,உருளை,பீன்ஸ்,பச்சை பட்டாணி - சேர்ந்து கால் கிலோ


மல்லி புதினா - சிறிது


உப்பு - தேவைக்கு


விரும்பினால் தேங்காய்ப்பால் சேர்க்கலாம்.காய்கறிகளை நறுக்கி வைக்கவும்,அரிசியை அலசி குறைந்தது அரைமணி நேரம் ஊறவைக்கவும்.

முதலில் புலாவ் செய்யும் பாத்திரத்தில் எண்ணெய் நெய் காயவிட்டு ஏலம்,பட்டை,கிராம்பு,பிரியாணி இலை சேர்க்கவும்.வெங்காயம் சிவறாமல் நன்கு வதக்கி,இஞ்சி பூண்டு தக்காளி,மிளகாய்,சிறிது மல்லி,புதினா வதக்கவும்.அடுப்பை சிம்மில் வைக்கவும்.


நறுக்கிய காய்கறிகள் சேர்த்து வதக்கி மூடி போட்டு வேகவிடவும்.தண்ணீர் சேர்க்க கூடாது,எண்ணெயில் விரைவில் வதங்கி வெந்து விடும்.


மோர் ஒரு கப் சேர்க்கவும்,விரும்பினால் தேங்காய்ப்பால் ஒரு கப் சேர்க்கவும்.அரிசியின் அளவிற்கு ஒன்றுக்கு ஒன்றே முக்கால் தண்ணீர் வைக்கவும்.


இப்படி கொதிவரும் பொழுது ஊறிய அரிசியை தட்டவும்.உப்பு சரி பார்க்கவும்.


மீடியமாக தீயை வைத்து மூடி வைக்கவும்.புலாவ் வெந்து மேல் வரும்.புலாவை பிரட்டி அடுப்பை சிம்மில் வைக்கவும்.


மூடி பத்து நிமிடம் சிம்மில் வைக்கவும்.


புலாவ் பாத்திரத்தை திறந்து ஒரு போல் பிரட்டி விடவும்,ஏலம் பட்டை கிராம்பு கண்ணில் பட்டால் எடுத்து விடவும்.மோர் சேர்ப்பதால் வெள்ளையாக சஃப்டாக உதிரியாக வரும்.மோர் இல்லையெனில் தயிர் சிறிது சேர்க்கவும்.


சுவையான சிம்பிள் வெஜ் புலாவ் ரெடி.


இதனை மட்டன்,சிக்கன் கிரேவி,தால்ச்சாவுடன்,பச்சடி,ஃப்ரை ,ஸ்வீட் அயிட்டமுடன் பரிமாறலாம்.வெஜ் பிரியர்கள் சாம்பார்,குருமா,புதினா துவையல்,வெஜ் கட்லெட்,சிப்ஸ்,காலிப்ளவர் ஃப்ரை உடன் செய்தும் அசத்தலாம்.நிஜமாகவே சாம்பாருக்கு இந்த புலாவ் அருமையாக இருக்கும்.


குறிப்பு : இஞ்சி பூண்டை சிவறாமல் வதக்கவேண்டும்,கரம்மசாலா தூள் சேர்க்காமல் தனித்தனியாக போடுவதால் புலாவ் பார்க்க வெள்ளையாக அழகாக தெவிட்டாத ருசியுடன் இருக்கும்.எங்கள் ஊரில் நேர்ச்சை சோறு இப்படி தான் ஆக்குவார்கள்.இஞ்சி சேர்க்காமல் வெறும் பூண்டு தயிர் சேர்த்தும் ஆக்கினாலும் வெள்ளை வெளேர்னு அருமையாக இருக்கும்.


--ஆசியா உமர்


கார் முன் சீட்டில் பெண்கள்

ஆண்கள் மட்டுமே அதிகமாக கார் ஓட்டி வந்த காலம் மலை ஏறிவிட்டது.இப்ப பெண்க்ளும் கார் ஓட்டுறாங்க,இப்ப அது இல்லைங்க பிரச்சனை.பெண்கள் கார் ஓட்டினால் கூட காருக்கும்,யாருக்கும் ஒன்றும் ஆகாது.ஆனால் ஆண்கள் கார் ஓட்டும் பொழுது பக்கத்தில் முன் சீட்டில் இருக்கும் பெண்களால் ஏற்படும் பிரச்சனை சொல்லி முடியாது.

கணவரும் மனைவியும் பயணம் செய்தால் மனைவியின் பேச்சை காது கொடுத்து கேட்டே ஆகவேண்டும்,பேச்சு சுவாரசியத்தில் யூ டெர்ன் எடுக்க வேண்டிய இடத்தில் நேரே சென்று விடுவார் அப்புறமென்ன ஆராம்பண்ணை மாப்பிள்ளை ஊர்வலம் சுற்றின கதை தான்,கால் மணி நேரத்தில் போக வேண்டிய இடத்திற்கு ஒரு மணி நேரம் ஆகிவிடும்.

அப்புறம் வேகம் குறைவாய் போனால் என்ன இவ்வளவு மெதுவா போறீங்கன்னு கேள்வி,இந்தம்மாக்கு அங்கு ஸ்பீட் லிமிட்டுன்னு தெரியாது,பாவம் அதற்கும் ஆண்கள் விளக்கம் சொல்லனும்,வேகமாக போனாலாவது சும்மா இருக்காங்களா?என்னங்க இவ்வளவு வேகமாக போறீங்கன்னு குடைசல்,அது ஹைவேயாக இருக்கும்,அங்கு மெதுவாப்போனால் என்ன ஆகும்,ஒன்று மேல் ஒன்று மோதவேண்டியது தான்,இதை கார் ஒட்டும்பொழுது எத்தனை முறை சொன்னாலும் திரும்ப திரும்ப கேள்வி கேட்டு பெரிய தொந்திரவாத்தான் இருக்கும்.பல வருஷமாக கார் ஓட்டுகிறவங்களுக்கு எது எப்படின்னு தெரியாதா? இந்தம்மா காரில் ஏறி உட்கார்ந்தால் அந்த வேலையாவது கணவனை நிம்மதியாக செய்ய விடுறாங்களா?சும்மா சும்மா கேள்வி கேட்டு அங்கேயே வாக்கு வாதம்,இனிமேல் தப்பித்தவறி கூட மனைவியை முன்னாடி ஆண்கள் உட்கார சொல்வார்களா என்ன?


சரி ஷாப்பிங் போறப்ப பார்க்கிங்காவது நிம்மதியாக செய்ய முடியுதா? கணவர் தேடி போடட்டுமேன்னு இருக்கிறது இல்லை,அங்கே பாருங்க,ஒரு இடம்,அட இங்கேயே இடம் இருக்கேன்னு சொல்லி அவனை ஒரு வழி பண்ணிடுவாங்க.கடைசியில் பார்த்தால் நோ பார்க்கிங் ஏரியா அல்லது ஊனமுற்றோர் பார்க்கிங் ஆக இருக்கும்,அதற்குள் இருந்த இடத்தில் மற்றொருவர் பார்க்கிங் செய்ய இருந்த இடமும் போய் மறுபடியும் தேடுதல் வேட்டை தான்.

இதெல்லாம் விடுங்க காரில் கொஞ்ச நேரம் பேசாம அவங்களால் வர முடியுமா?நீங்களே சொல்லுங்க,சந்தோஷமாக பேசிட்டு வந்தா பரவாயில்லை,வாக்குவாதம்,குடும்ப பிரச்சனை காரில் அரங்கேறினால் ஆண் எப்படிங்க நிம்மதியாக கார் ஓட்டுவான்.
சில பேர் குழந்தைகளை முன்னே வைத்துக்கொண்டு உட்கார்ந்து பண்ணுகிற அட்டகாசம தாங்கமுடியாது.விதிமுறைகளை யார் பின்பற்றுகிறார்கள்.அப்படி இல்லைன்னால் பின்னாடி பிள்ளைகளை உட்கார வச்சிட்டு பிள்ளைகளை கவனிக்கிறேன்னு திரும்பி திரும்பி பார்த்து அவங்களோட பேசி பேசியே ஆண்களின் கவனத்தை சிதற அடிப்பது,இது மட்டுமா சில வீடுகளில் ஆண்கள் இருந்தால் கூட அவ்ரகளை முன்னால் இருக்க விடுவது இல்லை.இந்த பெண்கள் ஏறி உட்கார்ந்து பண்ற அலப்பரை இருக்கே,அடேங்கப்பா தாங்க முடியாது.


எனக்கு ஒரு மெயில் வந்தது,அதில் உள்ள செய்தி சுருக்கம்.
ஒரு பெண் சமையலறையில் ஆம்லெட் போட்டு கிட்டு இருப்பா,அவள் கணவன் அருகே வந்து சட்டி காயலை அதற்குள் முட்டையை உடைத்து ஊற்றிவிட்டாய்,எண்ணெய் ஏன் இவ்வளவு அதிகம் ,உப்பு அதிகமாக போடலையே,நல்ல கலக்குனியா ?மிளகு போதுமா?சீக்கிரம் திருப்பி எடு,அடாடா நல்லா வெந்திடுச்சே,இன்னும் கொஞ்சம் சீக்கிரம் எடுத்து இருக்க்லாம் என்று கிட்டே நின்று தொணக்க, மனைவி கணவனிடம் நான் புதுசாவா ஆம்லெட் போடுறேன்,இவ்வளவு சொல்றீங்க என்பாள்..அதற்கு அந்த கணவன் ,இப்படி தான் நான் கார் ஓட்டும் பொழுது நீ தொண தொணக்கிறே அப்படின்னு சொல்லி சிரிப்பான்.உனக்கு எப்படி முட்டை போட தெரியுமோ அதைப்போல் எனக்கும் கார் ஓட்டத்தெரியும் என்று சொல்லாமல் சொல்லுவான்.எப்பவாவது நான் காரில் பேச ஆரம்பித்தால் என் கணவர் அந்த மெயில் நினைவு வந்தவராய் விளையாட்டாய் முட்டை பொரிக்கிற வேலை மட்டும் பாருடா என்பார்.இருவரும் ஹோவென்று சிரிப்போம்,பிள்ளைகள் ஒன்றும் தெரியாமல் விழிப்பார்கள்.


அதனால தாங்க சொல்றேன் முன்னாடி உட்காருகிற பெண்கள் நிம்மதியாக ஆண்களை கார் ஓட்ட விடுங்க,இல்லாட்டி வாயை மூடிகிட்டு பின்னாடி இருப்பது நலம்.பெண்கள் தொந்திரவு செய்யாமல் இருந்தால் 45 சதவீதம் விபத்துக்கள் குறைவதாய் ஒரு சர்வே சொல்லுது.
எனவே முன் சீட்டில் அமரும் பெண்கள் முடிந்த மட்டும் கார் ஓட்டுபவர்களுக்கு இடைஞ்சலாக இல்லாமல் உதவியாக இருக்கலாம் தானே !




பின்குறிப்பு :டிஸ்கியோ டிஸ்கி என் கணவர் என்னையும் கார் ஓட்டக்கற்றுக்கொள் என்று பெண்கள் சொல்லி கொடுக்கும் இடம் தேடி சேர்த்து இந்தியாவில் 2003 -னில் கார் லைசன்ஸ் வாங்கி,நல்ல ஓட்ட படித்த பின்பு அவரை பக்கத்தில் வைத்து கொண்டு ஷாப்பிங் கூட்டிட்டு போனேன்,அப்ப ஒன்றரை வருடம் ஓட்டிய அனுபவம் வேற,இவர் பக்கத்தில் இருந்திட்டு ஸ்பீட் ப்ரேக்கர் வருது பர்ர்த்து,பள்ளம் வருது,தள்ளிப்போ,சைடுல கண்ணாடில பார்த்தியா?முன்னாடி கண்ணாடியை அட்ஜஸ்ட் பண்ணு,என்னடா செகண்ட் கியர்லயே ஓட்டுற,மூனு நாலுன்னு மாத்துன்னு ஒரே தொந்திரவு,கடைசில ஏதோ தருமத்திற்கு வண்டி ஓடுதுன்னு கமெண்ட் வேறு.இதெல்லாம் வாழ்க்கையில் சகஜமப்பா !

--ஆசியா உமர்

Monday, May 24, 2010

ஈஸி இன்ஸ்டன்ட் கபாப்

அரேபியர்கள் இங்கு பார்க்கில் அமர்ந்து பார்பிக்கியுவ் செய்து சாப்பிடுவது கண்கொள்ளா காட்சியாக இருக்கும்.கபாப்பிற்கு தேவையானவற்றை ரெடி செய்து வந்து கபாப் ஸ்டிக்கில் கையால் பிடித்து வைத்து சுட்டு எடுப்பது வழக்கம்.நான் இங்கு உபயோகித்து இருப்பது இன்ஸ்டண்ட் கபாப்.

தேவையான பொருட்கள்;

இன்ஸ்டண்ட் கபாப் பாக்கெட் - 1 (8 இருக்கும்)
கொடைமிள்காய் - 2
வெங்காயம் - 2
ஆலிவ் ஆயில் அல்லது உபயோகிக்கும் எண்ணெய்- 2 டீஸ்பூன்


பார்பிகியூவ் அடுப்பில் அல்லது ஒவனில் பேக் கூட பண்ணலாம்,நான் இங்கு ஈசியாக இப்படி செய்திருக்கேன்.சாலோ ஃப்ரை பேனில் ஆலிவ் ஆயில் 2 டீஸ்பூன் விட்டு அதில் டீஃப்ராஸ்ட் பண்ணாமல் அப்படியே ரெடி மேட் கபாபை போட்டு மீடியம் தீயில் வைத்து மூடி வைத்தால் வெந்து வரும்.

திருப்பி போடவும்,எல்லாப்பக்கமும் வெந்து வரும்.அத்துடன் பெரிதாக கட் செய்த வெங்காயம்,கொடைமிளகாய் சேர்க்கவும்.சிறிது நேரத்தில் ஆகி விடும்.

கபாப் நாலு பக்கமும் திருப்பி போட்டு வேகவைத்தால் ரெடியாகிவிடும்.சிறிது நேரம் மூடி வைத்தால் விரைவில் ஆகி விடும்.பக்குவமாய் சமைப்பதில் தான் இதன் ருசி இருக்கிறது.

சுவையான மட்டன் ஷீஸ் கபாப் ரெடி.முழுதாகவும் வைக்கலாம்,கட் செய்தும் பரிமாறலாம்.இதனை சைட் டிஷ் ஆகவும்,ஸ்டார்ட்டராகவும் பரிமாறலாம்.

குழந்தைகளுக்கு இப்படி கட் செய்து கபாப் ஸ்டிக்கில் அடுக்கி கொடுத்தால் விரும்பி சாப்பிடுவார்கள்.வெள்ளரி ,கேரட்,தக்காளி பச்சையாக கட் செய்து உடன் பரிமாறலாம்.பூண்டு சாஸ்,ஹமூஸ்,முத்தப்பல்,குபூஸுடன் பரிமாறினால் அருமையாக இருக்கும்.

பின் குறிப்பு :

பாக்கெட்டில் வாங்காமல் நாமே வீட்டில் ரெடி செய்யலாம் ,மட்டன் கீமா,ஆனியன்,பெப்பர் பவுடர்,கார்லிக் பவுடர்,தனியா பவுடர்,பச்சை மிளகாய்,பார்ஸ்லி இலை,உப்பு ,ப்ரெட் க்ரெம்ஸ் மிக்ஸ் செய்து கபாப் ஷேப் செய்தும் சுடலாம்.

--ஆசியா உமர்

தட்டைபயறு கத்திரிக்காய்

தேவையான பொருட்கள் ;

தட்டைபயறு - 100 கிராம்

கத்திரிக்காய் - 200 கிராம்

வெங்காயம் - 2

தக்காளி -2

பச்சை மிள்காய் - 2

பூண்டு - 4 பல்

மிள்காய்த்தூள் - அரைஸ்பூன்

சீரகத்தூள் - அரைஸ்பூன்

மஞ்சள்தூள் - அரைஸ்பூன்

மல்லித்தூள்- ஒரு டீஸ்பூன்

எண்ணெய் - 3 டேபிள்ஸ்பூன்

கடுகு,உ.பருப்பு - தலா அரைஸ்பூன்

மல்லி,கருவேப்பிலை -சிறிது

தேங்காய் - 2 டேபிள்ஸ்பூன்

முந்திரி பருப்பு -2.

உப்பு - தேவைக்கு


முதலில் கத்திரிக்காய்,வெங்காயம்,தக்காளி நறுக்கி வைக்கவும்,பூண்டை தட்டி வைக்கவும்,மிளகாய் கீறிக்கொள்ளவும்.தேங்காய் முந்திரி அரைத்து வைக்கவும்.

தட்டைபயறை லேசாக வறுத்து ஊற வைத்து குக்கரில் மூழ்கும் அளவு தண்ணீர் ,தேவைக்கு உப்பு சேர்த்து 2 விசில் வைத்து இறக்கவும்.வெந்து விடும்.




வாணலியில் எண்ணெய் விட்டு காய்ந்ததும்,கடுகு,உளுத்தம்பருப்பு சேர்த்து வெடித்ததும்,கருவேப்பிலை,வெங்காயம்,பூண்டு,தக்காளி, ,பச்சை மிளகாய் சேர்த்து வதக்கி,கத்திரிக்காய் சேர்ர்த்து வதக்கி சிறிது உப்பு போட்டு மூடி நன்கு வேக விடவும்.



கத்திரிக்காய் வெந்த பின்பு,மசாலா வகைகளை சேர்த்து பிரட்டி சிறிது தண்ணீர் தெளிக்கவும்.


பின்பு வேகவைத்த தட்டைபயறை வெந்த தண்ணீருடன் சேர்க்கவும்.கொதி வரவும் தீயை குறைத்து சிறிது நேரம் வைக்கவும்.

அத்துடன் அரைத்த தேங்காய் விழுதை சேர்க்கவும்.தேவைப்பட்டால் ஒரு கப் தண்ணீர் சேர்க்கவும்.

தட்டைபயறு,கத்திரிக்காய்,தேங்காய்,மசாலா சேர்ந்து கொதித்து நல்ல குழம்பு மணம் கமகமக்கும்.

சுவையான தட்டைபயறு கத்திரிக்காய் ரெடி.இதனை சாதம்,சப்பாத்தி,அரிசி மாவு ரொட்டியுடன் பரிமாறலாம்.


-ஆசியா உமர்.

Sunday, May 23, 2010

மங்களூர் விமான விபத்து


மங்களூர் விமான விபத்து
மனதை உளுக்கி எடுக்கிறது,
வேதனையை போக்க
ப்ளாக் ப்ளாக்காய் போய்
அனுதாபம் தெரிவித்தும்
என் நெஞ்சம் வெடிக்கிறது
என் மனபாரத்தை
எங்கனம் இறக்குவது
நான்கு வரிகளாவது
நானும் எழுதினால்
ஆறுதல் கிடைக்குமா?
மக்கள் யாராயினும்
எம் மனித குலமல்லோ !
மருகி விம்முகிறது மனம்
மருந்திட யாரால் முடியும்?
இனி இந்நிலை வராமல் காக்க
இறைவா நீ அருள்புரிவாயா?
--ஆசியா உமர்.

Friday, May 21, 2010

ஸவர்மா ஃபலாஃபில்.

என்னுடைய அரேபிய உணவுகள் அறிமுகத்தில் இதனை நிச்சயம் குறிப்பிட்டே ஆக வேண்டும்.மத்திய கிழக்கு அரபு நாடுகளில் இந்த ஸவர்மா ஃபலாபில் ரொம்ப பிரசித்தம்.சிக்கனை பெரிய பெரிய ஸ்லைஸ் ஆக கட் செய்து பெரிய கம்பியில் அடுக்கி தணலில் வேக வைத்து, குபுசில் (அரபிக் ப்ரெட்)ஒயிட் ஸாஸ் தேய்த்து தணலில் வெந்த சிக்கனை செதுக்கி எடுத்து வைத்து ,அத்துடன் ஃப்ரென்ச் ஃப்ரைஸ்,சாலட் லீவ்ஸ்,உப்பில் ஊறிய (வினிகரில்)வெள்ளரி வைத்து ரோல் செய்து தருவதே சவர்மா .இது மட்டன் ,ஸ்பைசி சிக்கன் என்று வெரைட்டியாகவும் கிடைக்கும்.



அப்புறம் இந்த சவர்மா ஷாப்பில் ஃபலாஃபில் -ன்னு வடை மாதிரி ஒண்ணு விற்பாங்க,அது கொண்டைக்கடலையை ஊறவைத்து அரைத்து,பார்ஸ்லி இலை,பூண்டு,வெங்காயம்,சீரகம்,உப்பு,வெள்ளை எல்லு எல்லாம் சேர்த்து ,வடை மாதிரி தட்டி எண்ணெயில் பொரித்து எடுத்திருப்பாங்க.அதற்கு பூண்டு சாஸ்,தஹினா(எள்ளு பேஸ்ட்)கலந்த மாதிரி தொட்டு சாப்பிட தருவாங்க.இது ஈவ்னிங் ஸ்னாக்காக நிறைய பேர் சாலட் லீவ்ஸ்,டொமட்டோவுடன் இங்கே சாப்பிடுவது வழக்கம்.





ஸவர்மாவாவை இப்படி தாங்க சாண்ட்விச் பேப்பரில் ரோல் செய்து தருவாங்க.




ஸவர்மாவுடன் வெஜ் பிக்கிள்(வினிகரில் ஊரிய கேரட்,வெள்ளரி,முள்ளங்கி,பச்சை மிள்காய்) தருவாங்க,இந்த ஸவர்மாவை கடித்து கொண்டு இந்த பிக்கிளையும் உடன் சாப்பிட்டால் அருமையாக இருக்கும்.



பின் குறிப்பு :வெஜ் பிரியர்களுக்கு ஃபலாபில் சண்ட்விச் கிடைக்கும்.அதுவும் ஸவர்மா டேஸ்டில் இருக்கும்.அரபு நாட்டில் வாழும் வெஜிடேரியன்ஸ் ஃபலாபில் சாண்ட்விச் வாங்கி சாப்பிடுங்க.மேலே இணைத்த படம் எங்கள் வீட்டுப்பக்கம் உள்ள லயாலி -என்கிற லெபனீஸ் ரெஸ்டாரண்ட் , என் மகன் கிளிக்கியது.
-ஆசியா உமர்.






டொமட்டோ ஃபிஷ் ஃப்ரை

தேவையான பொருட்கள்;


மீன் - அரைகிலோ (கருவாவல்,பாறை,கொடுவா ஏதாவது ஒரு வகை மீன்)


எண்ணெய் - 3 டேபிள்ஸ்பூன்


மிளகாய்த்தூள் - 1 டீஸ்பூன்


மிளகுத்தூள் - 1 டீஸ்பூன்


சீரகத்தூள் - அரைஸ்பூன்


இஞ்சி பூண்டு பேஸ்ட் - 1 டீஸ்பூன்


வெங்காயம் - 1


தக்காளி- 2


பச்சை மிள்காய் - 2


மல்லி,கருவேப்பிலை - சிறிது


உப்பு - தேவைக்கு


முதலில் மீனை கழுவி சுத்தம் செய்து அரைஸ்பூன் மிள்காய்த்தூள்,மிளகுத்தூள்,உப்பு சேர்த்து கலந்து வைக்கவும்.அரை மணி கழிந்து கடாயில் எண்ணெய் விட்டு காய்ந்ததும் மீனை பொரித்து எடுக்கவும்.

பொரித்து எடுத்த பின்பு அதே பேனில் பொடியாக நறுக்கிய வெங்காயம் போட்டு வதக்கி,இஞ்சி பூண்டு,மிள்காய்,மல்லி கருவேப்பிலை போட்டு வதக்கி நறுக்கிய தக்காளி சேர்த்து உப்பு சேர்த்து மசிய விடவும்,அத்துடன் மீதி உள்ள அரைஸ்பூன் மிளகாய்த்தூள்,மிளகுத்தூள்,சீரகத்தூள் சேர்த்து நன்கு வதக்கவும்.பொரித்த மீனை சேர்த்து பிரட்டி சிம்மில் தக்காளி சுண்டும் வரை வைக்கவும்.

சுவையான டொமட்டோ ஃபிஷ் ஃப்ரை ரெடி.மல்லி இலை தூவி பரிமாறவும்.இது நான்,சப்பாத்தி,சாதம் வகைகளுடன் பரிமாறலாம்.
- ஆசியா உமர்.

Wednesday, May 19, 2010

ஃப்ரைட் சிக்கன் பிரியாணி

பிரியாணி தம் ஆனவுடன் ஒரு போல் நன்கு பிரட்டி அடியில் உள்ள சிக்கன்,பிரியாணி மசாலாவும் கலந்த பின்பு பரிமாறவும்.
தேவையான பொருட்கள் ;

கோழிக்கறி - முக்கால் கிலோ
பாசுமதி அரிசி - 600 கிராம்
வெங்காயம் - 200 கிராம்
தக்காளி - 200 கிராம்
சிக்கன் டிக்கா அல்லது சிக்கன் 65 மசாலா - 1 டேபிள்ஸ்பூன்
மிளகாய்த்தூள் - 1 டீஸ்பூன்
இஞ்சி பூண்டு பேஸ்ட் - 2 டேபிள்ஸ்பூன்
கரம்மசாலா - முக்கால் ஸ்பூன் (ஏலம் பட்டை கிராம்புத்தூள்)
மல்லி புதினா- தலா ஒரு கைபிடியளவு
எண்ணெய் - 150 மில்லி
நெய் - 50 மில்லி
எலுமிச்சை - 1
தயிர் - 1 டேபிள்ஸ்பூன்
லெமன் யெல்லோ கலர் - பின்ச்
உப்பு - தேவைக்கு


900 கிராம் முழுச்சிக்கன் வாங்கினால் கழுவி சுத்தம் செய்யும் பொழுது முக்கால் கிலோ வரும்.அதனுடன் உப்பு,தயிர்,1 டீஸ்பூன் இஞ்சி பூண்டு பேஸ்ட் ,சிக்கன் டிக்கா அல்லது சிக்கன் 65 மசாலா 1 டேபிள்ஸ்பூன் சேர்த்து கலந்து சிக்கனை ஊறவைக்கவும்.நறுக்கவேண்டியவற்றை நறுக்கி வைக்கவும்.


கடாயில் 4 டேபிஸ்பூன் எண்ணெய் விட்டு ஊறிய சிக்கனை பொரித்து எண்ணையோடு வைக்கவும்.

பிரியாணி செய்யும் பாத்திரத்தில் எண்ணெய் நெய் கலவை விட்டு காய்ந்ததும் வெங்காயம் முழுவதும் போட்டு வதக்கி,சிவந்ததும் இஞ்சி பூண்டு பேஸ்ட்,கரம் மசாலா,மல்லி புதினா,மிளகாய் போட்டு நன்கு வதக்கவும்.பின்பு தக்காளி ,உப்பு சேர்த்து சிறிது மசிந்ததும் மிளகாய்த்தூள் சேர்க்கவும்.பிரட்டி சிம்மில் வைக்கவும்.எண்ணெய் தெளிந்து மேலே வரும்.

ஒரு பாத்திரத்தில் தண்ணீர் கொதிவந்ததும் ஊறிய அரிசி போட்டு முக்கால் பதத்தில் வெந்து வடித்து வைக்கவும்.ரெடியான ஃப்ரைட் சிக்கனை பிரியாணி மசாலாவில் சேர்க்கவும்.லெமனை பிழியவும்,தேவைப்பாட்டால் அரை கப் தண்ணீர் சேர்க்கவும்.



சிக்கனை சேர்த்த பின்பு ,வடித்த சாதம் சேர்த்து சஃப்ரான் அல்லது லெமன் கலர் கரைத்து ஊற்றவும் .



அலுமினியம் ஃபாயில் போட்டு மூடி,அடுப்பை சிம்மில் 20 நிமிடம் வைக்கவும்.அடியில் பழைய தோசைக்கல் வைக்கவும்.


திறந்து ஒரு போல் பிரட்டி விடவும்.சுவையான ஃப்ரைட் சிக்கன் பிரியாணி ரெடி.


பிரியாணியை சூடாக, தால்ச்சா ,ரெய்தா,ஸ்வீட் உடன் பரிமாறவும்.

--ஆசியா உமர்.