பொரித்த இறால் / Prawn Fry

தேவையான பொருட்கள் ;

இறால் - அரைக்கிலோ

இஞ்சி பூண்டு விழுது - 1 தேக்கரண்டி

கரம் மசாலா - கால் தேக்கரண்டி

மிளகாய்த்தூள் - 1 தேக்கரண்டி

எலுமிச்சை சாறு - 1 தேக்கரண்டி

கார்ன் ஃப்லோர் - 2 தேக்கரண்டி

முட்டை வெள்ளைக்கரு - 1

ரெட் ஃபுட் கலர் - பின்ச்(விரும்பினால்)

எண்ணெய் - 3- 4 மேஜைக்கரண்டி

உப்பு - தேவைக்கு

இறால் உரிக்கும் முன்பு நன்கு அலசிக் கொள்ளவும்.தலை,மேல் இருக்கும் ஓடு பகுதி உரித்து கருப்பாக இருக்கும் அழுக்கு போன்ற பகுதியை சுத்தம் செய்து நன்கு அலசி தண்ணீர் வடிகட்டவும்.
எண்ணெய் தவிர அனைத்து பொருட்களையும் இறாலுடன் சேர்த்து கலந்து ஒரு அரைமணி நேரம் ஊற வைக்கவும்.

இறால் ஊறிய பின்பு ஒரு கடாயில் எண்ணெய் விட்டு காயவிடவும்.காய்ந்தவுடன் நாம் விரவி வைத்த இறாலை போட்டு பொரிக்கவும்.அரைகிலோவை உறித்தால் 15 -முதல் 20 இறால் இருக்கும்.இரண்டு முறையாக பொரிக்கலாம்.

எண்ணெய் குடிக்காது, 5-6 நிமிடத்தில் இறால் வெந்து விடும்.ஒரு புறம் வெந்தவுடன் மறு புறம் திருப்பி போடவும்.

அத்துடன் இரண்டு இணுக்கு கருவேப்பிலை போடவும்.

இறால் நன்கு பொரிந்த பின்பு எண்ணெய் வடித்து எடுத்து பரிமாறவும்.

சுவையான பொரித்த இறால் ரெடி. இதனை பக்க உணவாகப் பரிமாறலாம்.

இதனை ஜலீலாவின் பேச்சிலர்ஸ் ஃபீஸ்ட் இவெண்ட்டிற்குஅனுப்புகிறேன்.