Monday, November 12, 2012

சிக்கன் புலாவ் ( குக்கர் முறை) / Chicken Pulav



தேவையான பொருட்கள்;
சிக்கன் - 400 கிராம்
பாசுமதி அல்லது சீரக சம்பா - 2 கப் ( 400 கிராம்)
மீடியம் சைஸ் வெங்காயம் - 2
மீடியம் சைஸ் தக்காளி - 2
மல்லி புதினா தலா அரை கப்
பச்சை மிளகாய் - 2
இஞ்சி பூண்டு பேஸ்ட் - ஒன்றரை டேபிள்ஸ்பூன்
கரம் மசாலா - 1 டீஸ்பூன்
தயிர் - 2 டேபிள்ஸ்பூன்
தேங்காய்ப்பால் - ஒரு கப்
அல்லது தேங்காய்ப்பால் பவுடர் 2 மேஜைக்கரண்டி குவியலாக
எலுமிச்சை ஜூஸ் - 2 - 3 டீஸ்பூன்
மஞ்சள் தூள் - கால் டீஸ்பூன்
மிளகாய்த்தூள் - அரை டீஸ்பூன்
நெய் ,எண்ணெய் - தலா 50 மில்லி
உப்பு - தேவைக்கு.

பரிமாறும் அளவு -3- 4 நபர்.
தயார் செய்ய சமைக்க ஆகும் நேரம் - அரை மணி நேரம்.

 முதலில் சிக்கன் துண்டுகளை சுத்தம் செய்து நன்கு கழுவி வடிகட்டிக் கொள்ளவும்.சிக்கனுடன் தேவைக்கு உப்பு தயிர் 2 டேபிள்ஸ்பூன்அரை டேபிள்ஸ்பூன் இஞ்சி பூண்டு, பாதி டீஸ்பூன் கரம் மசாலா, கால்டீஸ்பூன் சில்லி பவுடர், கால் டீஸ்பூன் மஞ்சள் தூள் சேர்த்து விரவி வைக்கவும்.வெங்காயம்,தக்காளி மல்லி,புதினா நறுக்கி வைக்கவும்.அரிசியை ஊற வைக்கவும்.

குக்கரில் எண்ணெய், நெய் விட்டு நறுக்கிய வெங்காயம் சேர்த்து நன்கு பொன்னிறத்தில் வதக்கவும்.அத்துடன் இஞ்சி பூண்டு பேஸ்ட், சேர்த்து வதக்கவும்.சிறிது வதங்கியதும் கரம் மசாலா பாதி சேர்க்கவும்.நறுக்கிய மல்லி புதினா,பச்சை மிளகாய் சேர்க்கவும்.சிறிது வதங்கட்டும்.தக்காளி,மிளகாய்த்தூள் சிறிது உப்பு சேர்த்து கூட்டு போல் ஆகட்டும்.விரவி வைத்த சிக்கனை சேர்க்கவும்.பிரட்டி விடவும்.சிறிது மூடி பாதி வேக விடவும்.


இப்படி காணப்படும்.இரண்டு கப் தண்ணீர் +  எடுத்த ஒரு கப் தேங்காய்ப்பால் சேர்க்கவும்.அல்லது தேங்காய்ப்பால் பவுடரை வெது வெதுப்பான நீரில் கரைத்து அதனை சேர்க்கவும்.கிரேவியில் சிக்கனில் ஊறிய தண்ணீர் இருக்கும்.எனவே அரிசியின் அளவிற்கு ஒன்னரை அளவு தண்ணீர் வைக்கவும்.

 நன்கு கலந்து விட்டு உப்பு சரிபார்க்கவும்.

 சிறிது கொதி வரும் பொழுது அரிசியை தண்ணீர் சுத்தமாக வடித்து விட்டு சேர்க்கவும்.கொதிக்கும் பொழுது  எலுமிச்சை ஜூஸ் விடவும்.எலுமிச்சை ஜூஸ் சேர்ப்பது தனி ருசியையும் மணத்தையும் தரும்,சாதம் உடையாது.கலந்து விட்டு குக்கரை மூடவும்.அடுப்பை சிம்மில் வைத்து 10 நிமிடம் வைக்கவும் அல்லது  மீடியம் ப்லேமில் இரண்டு விசில் வந்தவுடன் அணைக்கவும்.
 குக்கரில் ஆவியடங்கியவுடன் திறந்தால் இப்படியிருக்கும்.ஒரு போல் சாதம்,சிக்கன்  உடையாதவாறு பிரட்டி விடவும்.

 திரும்ப மூடி வைத்து விடவும்.பின்பு பரிமாறலாம்.


சுவையான சூடான சிக்கன் புலாவ் ரெடி.

 இது மைல்டாக பிரியாணி மணத்துடன் இருக்கும். வெங்காயப்பச்சடியுடன் பரிமாறவும்.
வெங்காயப் பச்சடிக்கு இரண்டு மீடியம் சைஸ் வெங்காயம் ,ஒரு பச்சை மிளகாய், சிறிது மல்லி இலை நறுக்கி கொள்ளவும்.அத்துடன் கெட்டித்தயிர் 100- 200 மில்லி (உங்க ருசிக்கு தக்கபடி)சேர்க்கவும்.தேவைக்கு உப்பு,  ஒரு டேபிள்ஸ்பூன் தேங்காய்த்துருவல் சேர்த்து விரவவும்.வெங்காயப் பச்சடி ரெடி.

பேச்சிலர்ஸ்காகத்தான் இந்தக் குறிப்பு. ஈசியாக இப்படி செய்து பாருங்க மணமும் சுவையும் அசத்தலாக இருக்கும்.காரம் வேண்டுமானால் பச்சை மிளகாயோ அல்லது மிளகாய்த்தூளோ சிறிது கூட்டிக் கொள்ளவும்.இந்த அளவே சரியாக இருக்கும்.இஞ்சி பூண்டு காரம் வேறு இருக்கும்.


7 comments:

திண்டுக்கல் தனபாலன் said...

ஆஹா... காரசாரமாக இருக்கும் போல... நன்றி...

Nandini said...

Wow! What a very delicious and tasty pulao! So yummy!

Priya said...

Briyani vasanai inga varaikum varuthu, soooo inviting.

devadass snr said...

எனது இதயங் கனிந்த தீபாவளி நல் வாழ்த்துக்கள்.
வாழ்க வளமுடன்.
கொச்சின் தேவதாஸ்

சே. குமார் said...

அருமையா இருக்கும் போலவே அக்கா.
உங்களுக்கும் உங்கள் குடும்பத்தாருக்கும் இனிய தீபாவளி வாழ்த்துக்கள்.

சேக்கனா M. நிஜாம் said...

மெனு சூப்பர் !
ட்ரைப் பண்ணிப் பார்ப்போம்

athira said...

சூப்பர் ஆசியா.. நம் விரதம் முடியட்டும்:)