Saturday, December 29, 2012

ஈசி பரோட்டா - வீடியோ சமையல் / Easy Parotta - Video Samaiyal

நிறைய தோழிகள் என்னிடம் பரோட்டா சரியாக வரலை,நீங்க சொன்ன மாதிரி தானே நானும் செய்தேன் என்று சொல்றாங்க.அவர்களுக்காகவும் பேச்சிலர்களுக்காகவும் இந்த பகிர்வு.


பரோட்டா செய்முறை:




இந்த பரோட்டாவோடு ஒரு முட்டை ஆம்லட் போட்டு ரோல் செய்து சாப்பிட்டா கூட சூப்பராக இருக்கும் அல்லது குருமா,கிரேவி, சால்னான்னு பரிமாறி கூட அசத்தலாம்.

Thursday, December 27, 2012

புட்டு & இடியாப்பம் - வீடியோ சமையல் / Puttu & Idiyappam - Video Samaiyal

வீடியோ சமையல் பகிர்ந்து ரொம்ப நாளாச்சு.முன்னேற்பாடு இல்லாமல் தீடீரென்று நினைத்தவுடன் எடுத்தது இந்த பகிர்வு.பேச்சிலர்ஸ் இவெண்ட்டிற்காக எடுத்தது.பிஸியாக இருந்ததால் பகிர முடியாமல் போய்விட்டது.லைட்டிங்  சுமாராகத்தான் வந்திருக்கு. மக்கள்ஸ் அட்ஜஸ்ட் செய்துப்பீங்கன்னு நம்புகிறேன்.

 புட்டு செய்முறை:


இடியாப்பம் செய்முறை:



புட்டு,இடியாப்பம் எப்படி ஈசியாக செய்வது என்று காட்டியிருக்கிறேன். பார்த்து விட்டு உங்களின் அன்பான கருத்தை தெரிவிக்கவும்.இனி நீங்களும் அடிக்கடி செய்ய ஆரம்பித்து வீடுவீர்கள் . செய்து விட்டு உங்க விருப்பமான பக்க உணவுடன் பரிமாறவும்.

Saturday, December 22, 2012

தக்காளி ஆணம் / Tomato Salna


தேவையான பொருட்கள்;
தக்காளி - 200 கிராம்
வெங்காயம் - 100 கிராம்
இஞ்சி பூண்டு பேஸ்ட் - 1 டீஸ்பூன்
கரம் மசாலா - கால் டீஸ்பூன்
மஞ்சள் தூள் - கால் டீஸ்பூன்
மிளகாய்த்தூள் - அரைடீஸ்பூன்
பச்சை மிளகாய் - 1
மல்லி கருவேப்பிலை - சிறிது
தேங்காய் - 2 டேபிள்ஸ்பூன் + முந்திரி பருப்பு - 3(அரைக்க)
எண்ணெய் - 2டேபிள்ஸ்பூன்
கடுகு ,உளுத்தம் பருப்பு - 1 டீஸ்பூன்
வெந்தயம் - கால் டீஸ்பூன்
மிளகாய் வற்றல் - 1
உப்பு  -தேவைக்கு


 தக்காளி,வெங்காயத்தை இப்படி பொடியாக நறுக்கி கொள்ளவும்.
 குக்கரில் நறுக்கிய வெங்காயம்,தக்காளி, இஞ்சி பூண்டு,கரம் மசாலா,மஞ்சள்,மிளகாய்த்தூள் சேர்க்கவும்.தாளிக்க சிறிது நறுக்கிய வெங்காயம் தனியாக எடுத்து வைக்கவும்.
 இரண்டு கப் தண்ணீர் சேர்க்கவும்.பச்சை மிளகாய்,சிறிது  நறுக்கிய மல்லி இலை சேர்க்கவும்.

 மூடி குக்கரை 2 விசில் விடவும் அடுப்பை அணைக்கவும்.திறந்தால் இப்படியிருக்கும்.
 அரைத்த தேங்காய் விழுது சேர்த்து கொதிக்க வைக்கவும்.தேவைக்கு தண்ணீர், உப்பு சேர்க்கவும்.

 நன்கு கொதித்து தேங்காய்  வாடை மடங்கட்டும்.வாணலியில் எண்ணெய் விட்டு சூடேறியதும் கடுகு,உளுத்தம் பருப்பு சேர்க்கவும்,பின்பு வெந்தயம் சேர்க்கவும்,வற்றல்,கருவேப்பிலை  சேர்த்து வெடிக்கவும்,சிறிது நறுக்கிய வெங்காயம் சேர்த்து பொன்னிறமாக வதங்கியதும் தாளிச்சதை கொதித்து கொண்டிருக்கும் தக்காளி ஆணத்தில் சேர்த்து கலந்து விடவும்.



சுவையான தக்காளி ஆணம் ரெடி. 
இதனை வெறும் சோறு, இட்லி,தோசை,சப்பாத்தி,ஆப்பம்,இடியாப்பம்,பரோட்டா ஆகியவற்றுடன் பரிமாறலாம்.

முக்கிய குறிப்பு:
சாதத்தில் ரசம் போல் ஊற்றி சாப்பிட தேங்காய் அரவைக்கு பதில் 1 கப்
சோறு வடித்த கஞ்சி சேர்க்கவும்.கலந்து விட்டு கொதி வரவும், தாளித்து உபயோகிக்கலாம்.இது மிகவும் ருசியாக இருக்கும்.இந்த வெறும் சோறு, தக்காளி ஆணத்திற்கு தொட்டுக் கொள்ள  வெங்காய முட்டை ஆம்லட் சூப்பர் காம்பினேஷன்.இது ஊரில் எங்க வீட்டில் அண்ணிகள் அடிக்கடி செய்யும் ஆணம். சிம்பிளாகவும் ருசியாகவும் இருக்கும்.

Sending this recipe to Gayathri's Walk through Memory Lane hosted by Nithu's Kitchen.

Thursday, December 20, 2012

கிட்ஸ் ஸ்பிரிங் பொட்டட்டோ / Kids Spring Potato

இந்த ஸ்பிரிங் பொட்டட்டோ செய்வதற்கு ஸ்பைரல் கட்டர் இருந்தால் ஈசியாக செய்து விடலாம்.சூப்பர் ஸ்லைசர் என்ற செட் ஒரு ஐந்து வருடத்திற்கு முன்பு வாங்கியது.அதனை கொஞ்சம் நாள் உபயோகித்து விட்டு கிச்சன் அலமாரியில்  ஓரம் கட்டி வைத்து நாளாகி அதனைப் பற்றியே மறந்து விட்டேன். நேற்று இங்கு ஒரு மாலில் ஒரு ஸ்டாலில் இந்த ஸ்பிரிங் பொட்டட்டோ விற்பனை அமோகமாக நடந்து கொண்டிருந்தது, அப்ப தான் இந்த ஸ்பைரல் கட்டர் நினைவு வந்து தேடிப்பார்த்தேன்,கிடைத்தது.உடனே செய்து பார்த்தாச்சு. 

தேவையான பொருட்கள் :
உருளக்கிழங்கு சிறியது ஒன்று 
உப்பு, மிளகுத்தூள்,எண்ணெய் - தேவைக்கு.



சிறிய அளவு உருளைக்கிழங்கை நன்கு கழுவி துடைத்து இந்த ஸ்பைரல் கட்டரில் உள்ள ஸ்க்ரூ போன்ற பகுதியை முழுவதும் உருளைக்கிழங்கில் ஒரு பக்க விளிம்பில் நுழைத்து அப்படியே வட்டமாக சுற்றிக்கொண்டுவந்தால் அப்படியே கட் ஆகி வரும்.


எடுத்து விரித்துப் பார்த்தால் இப்படி ஸ்பிரிங் போல் அழகாக விரிந்து வரும்.அதனை ஒரு மரக்குச்சியில் (கபாப் / டிக்கா ஸ்டிக்) நுழைத்து விரித்து வைக்கவும்.
ஒரு கடாயில் தேவைக்கு எண்ணெய் நன்கு சூடேற்றவும்.
ஸ்டிக்கில் உள்ள உருளைக்கிழங்கு ஸ்பிரிங்கை சூடான  எண்ணெயில் போட்டு மிதமான சூட்டில் பொன்னிறமாக பொரித்து எடுக்கவும்.
சூட்டுடனேயே உப்பு ,மிளகுத்தூள் தூவி பரிமாறவும்.


விருப்பப்பட்டால் சாஸ் தடவியும் ருசிக்கலாம்.
 சுவையான கிட்ஸ் ஸ்பிரிங் பொட்டட்டோ ரெடி.


Tuesday, December 18, 2012

சுரைக்காய் மசாலா கூட்டு / Bottle Gourd Masala


தேவையான பொருட்கள்;
சொம்பு சுரைக்காய் - கால் கிலோ
துவரம் பருப்பு அல்லது கடலை பருப்பு  - 100 கிராம்
தக்காளி பெரியது - 1
பூண்டு - 4 பல்
மஞ்சள் தூள் - அரை டீ ஸ்பூன்
வெந்தயம் - கால் டீ ஸ்பூன்
சீரகம் அல்லது கடுகு- அ ரைடீஸ்பூன்
மிளகாய் வற்றல் - 3
ஏலம்,பட்டை,கிராம்பு,பிரியாணி இலை - தலா ஒன்று
துருவிய தேங்காய் - 2 டேபிள்ஸ்பூன்
நறுக்கிய மல்லி இலை - சிறிது
கருவேப்பிலை - 1 இணுக்கு அல்லது பிரியாணி இலை 1
எண்ணெய்/ நெய் கலவை - 2 டேபிள்ஸ்பூன்
உப்பு - தேவைக்கு.



 இது தான் சொம்பு சுரைக்காய் கிடைக்கவில்லை என்றால் சாதாரண சுரைக்காய் உபயோகிக்கலாம்.பருப்பை ஊறவைக்கவும்.
 தோல் நீக்கி இப்படி வட்டமாக நறுக்கி,  பின்பு சிறிய துண்டாக நறுக்கி கொள்ளவும்.ஊறிய பருப்பை கால் டீஸ்பூன் மஞ்சள் தூள் ,தேவைக்கு தண்ணீர் சேர்த்து  முக்கால் வேக்காடாக வெந்து வைக்கவும்.

 குக்கரில் எண்ணெய்/நெய் கலவை விடவும்.காய்ந்து வரும் பொழுது,ஏலம்,பட்டை,கிராம்பு,வெந்தயம்,சீரகம் கருவேப்பிலை சேர்க்கவும்.பிரியாணி இலை கூட சேர்க்கலாம்.மிளகாய் வற்றல் கிள்ளி சேர்க்கவும்.தட்டிய பூண்டு ,நறுக்கிய தக்காளி சேர்க்கவும்.வதக்கவும்.

 நறுக்கிய சுரைக்காய் சேர்த்து,மீதி கால் டீஸ்பூன் மஞ்சள் தூள் சேர்த்து  பிரட்டி விடவும்.பின்பு முக்கால் வேக்காடு வெந்து வைத்த பருப்பை சேர்க்கவும்.கலந்து விடவும்.தேவைக்கு சிறிது தண்ணீர் சேர்க்கவும்.தேவைக்கு உப்பு சிறிது சேர்க்கவும்.

 குக்கரை மூடி ஒரு விசில் வரவும் அடுப்பை அணைக்கவும்.

 ஆவியடங்கியவுடன் திறந்து தேங்காய் துருவல் சேர்க்கவும்.கிளறி விடவும்.உப்பு சரிபார்க்கவும்.

ரெடியான மசாலா கூட்டை ஒரு பவுலில் மாற்றி மல்லி இலை தூவி பரிமாறவும்.

சுவையான சுரைக்காய் மசாலா கூட்டு ரெடி.

சாதம்,சப்பாத்தி,பூரியுடன் பரிமாறலாம்.

எங்க அண்ணி இந்த சுரைக்காயை ஷார்ஜாவில் இருந்து ஒரு முறை வரும் பொழுது எடுத்து வந்தாங்க,இது இப்படி உருண்டையாக இருக்கேன்னு கேட்ட பொழுது இதற்கு பெயர் சொம்பு சுரைக்காய் இதற்கு  மணம் கொடுத்து சமைத்தால் ருசியாக இருக்கும்னு சொல்ல நான் செய்து பார்த்தேன் .அருமையாக வந்தது.
 சுரைக்காய் என்னோட விருப்பமான காய்கறிகளுள் ஒன்று.
மற்ற சுரைக்காய் குறிப்புக்கள்..

சுரைக்காய் பாசிப்பருப்பு கூட்டு
சுரைக்காய் பால் கறி
சுரைக்காய் கடலைபருப்பு கூட்டு
 பொதுவாக எங்க ஊர் பக்கம் சுரைக்காய் பருப்பு ரொம்ப பிரபலம்.எனவே இந்தக் குறிப்பை

Sending this recipe to Gayathri's Walk through Memory Lane hosted by Nithu's Kitchen.

Thursday, December 13, 2012

பாகற்காய் பொடி வறுவல் / Bittergourd Fry


இலகுவாக செய்யக்கூடிய இந்த பாகற்காய் வறுவல் மிக அருமையாக இருக்கும்.வாரம் ஒரு முறையாவது பாகற்காய் செய்து சாப்பிடுவது  உடல் நலத்திற்கு நல்லது.

தேவையான பொருட்கள்;
பாகற்காய் - கால் கிலோ
மஞ்சள் தூள் - கால் டீஸ்பூன்
எண்ணெய் - 2 டேபிள்ஸ்பூன்
கடுகு,உளுத்தம் பருப்பு - 1 டீஸ்பூன் 
கருவேப்பிலை - 2 இணுக்கு
இட்லி பொடி  - 2 டேபிள்ஸ்பூன்
உப்பு - தேவைக்கு.

நான்கு நபர்களுக்கு.

செய்முறை:
பாகற்காயை விதை நீக்கி மெலிதாக அரைவட்டமாக நறுக்கி அலசி சிறிது மஞ்சள் தூள் உப்பு போட்டு முக்கால் வேக்காடு வேகவைத்து தண்ணீர் வடித்து வைக்கவும்.


 கடாயில் எண்ணெய் சூடு செய்து கடுகு உ.பருப்பு தாளித்து கருவேப்பிலை போட்டு வெடித்தவுடன் வேகவைத்த பாகற்காயை சேர்க்கவும்.நன்கு பிரட்டி விடவும். சிறிது பொரியட்டும்.

 பொரிந்த பாகற்காயில் இட்லி பொடி சேர்க்கவும்.சிம்மில் வைத்து நன்கு பிரட்டி விடவும்.சிறிது வறுபடட்டும்.
சுவையான பாகற்காய் பொடிவறுவல் ரெடி.

சாம்பார்,தயிர் சாதத்திற்கு சூப்பராக இருக்கும்.

இட்லி பொடிக்கு பதிலாக ரெடிமேடாக கிடைக்கும் பொரியல் பொடியும் சேர்க்கலாம்.
எல்லாவகையான காய்கறி பொரியலுக்கும் சேர்க்கலாம்.முக்கியமாக வாழைக்காய்,உருளைக்கிழங்கு,கீரை,கத்திரிக்காய்,வெண்டைக்காய் வகைகளுக்கு பொருத்தமாய் இருக்கும்.




ஜலீலாவின் பேச்சிலர்ஸ் இவெண்ட்டிற்கு அனுப்புகிறேன்.

Monday, December 10, 2012

மட்டன் வெண்டைக்காய் சால்னா / Mutton Bhendi Salna

தேவையான பொருட்கள்;
மட்டன் - 300 கிராம்
வெண்டைக்காய் - கால் கிலோ
பெரிய வெங்காயம் - 1
பெரிய தக்காளி - 1
இஞ்சி பூண்டு பேஸ்ட் - 2 டீஸ்பூன்
கரம் மசாலா - கால் டீஸ்பூன்
தயிர் - 2 டீஸ்பூன்
மல்லி இலை - சிறிது
மிளகாய்த்தூள் - முக்கால் டீஸ்பூன்
கறி மசாலாத்தூள் - 1 டேபிள்ஸ்பூன்
தேங்காய் துருவல் 3 டேபிள்ஸ்பூன் + முந்திரி 3 அரைக்க.
எண்ணெய் - 2 டேபிள்ஸ்பூன்
உப்பு - தேவைக்கு.

செய்முறை:

கறியை கொழுப்பு நீக்கி சுத்தமாக கழுவி தண்ணீர் வடிகட்டவும்.நறுக்க வேண்டியவைகளை நறுக்கியும்,தேங்காய் அரைத்தும் தயார் செய்து வைக்கவும்.

வெண்டைக்காயை நன்கு கழுவி துடைத்து இரண்டு இன்ச் துண்டாக போட்டு வைக்கவும்.அதனை மைக்ரோவேவில் இரண்டு நிமிடம் வைத்து எடுக்கலாம் அல்லது ஒரு நாண்ஸ்டிக் கடாயில் ஒரு ஸ்பூன் எண்ணெய் விட்டு வதக்கியும் எடுத்து தனியாக வைக்கலாம்,

குக்கரில் எண்ணெய் விட்டு நறுக்கிய வெங்காயம் வதக்கவும்,இஞ்சி பூண்டு வதக்கி கரம் மசாலா சேர்த்து வதக்கவும்,நறுக்கிய தக்காளி ,மல்லி இலை சேர்க்கவும்.சிறிது உப்பு சேர்த்து தக்காளி மசியட்டும்.அத்துடன் மிளகாய்த்தூள்,மசாலாத்தூள் சேர்த்து பிரட்டி கறியை சேர்க்கவும்.தயிரும் சேர்த்து பிரட்டவும்.

பிரட்டி விட்டு தேவைக்கு தண்ணீர் சேர்த்து உப்பு சரி பார்த்து மூடி மூன்று விசில் வேக வைக்கவும்.

விசில் அடங்கியவுடன் திறந்து வதக்கிய வெண்டைக்காயை சேர்க்கவும்.

சால்னாவில் கலந்து விடவும்.


அரைத்த தேங்காய் விழுது சேர்க்கவும்.தேவைக்கு சிறிது தண்ணீர் சேர்க்கவும்.நன்கு எல்லாம் சேர்ந்து கொதித்து தேங்காய் வாடையும் மடங்கி வெண்டைக்காய் மட்டன் சால்னாவுடன் சேர்ந்து காணப்படும்.சிறிது நேரம் மூடி சிம்மில் வைத்து திறக்கவும்.எண்ணெய் மேலெழும்பி வரும்.
அடுப்பை அணைக்கவும்.

சுவையான மட்டன் வெண்டைக்காய் சால்னா ரெடி.
வெஜ் மட்டும் சாப்பிடுபவர்கள் இதே முறையில் வெண்டைக்காய் மட்டும் வைத்தும் சாப்பிடலாம்.
இதனை வெறும் சோற்றோடு சாப்பிட சுவையாக இருக்கும், மட்டனை விட எல்லோரும் வெண்டைக்காயை தான் பிரியமாக எடுத்து சாப்பிடுவார்கள்.

குறிப்பு:
இதில் சேர்த்து இருக்கும் கறிமசாலா எங்க ஊர் அடிப்படை மசாலாவாகும்.அதனைக் காண இங்கு கிளிக்கவும்.நீங்க உங்க டேஸ்ட்டுக்கு மசாலா சேர்த்து இந்த முறையில் சமைத்து அசத்தலாம்.


வெண்டைக்காய் மீன் குழம்பு பார்க்க இங்கே கிளிக்கவும்.

ஜலீலாவின் பேச்சிலர்ஸ் இவெண்ட்டிற்கு அனுப்புகிறேன்.

Friday, December 7, 2012

ஈசி பொட்டட்டோ வெட்ஜெஸ் / Easy Potato Wedges


உருளைக்கிழங்கு பிடிக்காதவர்களே இருக்க முடியாது. பொதுவாக இந்த வெட்ஜஸ் ஸ்டார்டராக ஃப்ரைட் சிக்கன்,பிட்ஸா,பர்கருடன் பரிமாறுவது வழக்கம்.இதனை வீட்டிலேயேயும் செய்து அசத்தலாம்.இதில் உள்ள சிறப்பு தோலோடு ஃப்ரை செய்து எடுப்பது தான்.தோலோடு சாப்பிட்டால் வாயு தொந்திரவு குறைவாக இருக்கும்னு கேள்விப்பட்டிருக்கேன்.இனி ரெசிப்பி.

 தேவையான பொருட்கள்;
மீடியம் சைஸ் உருளைக்கிழங்கு -2
மிளகாய்த்தூள்  - அரை டீஸ்பூன் 
கார்ன் ஃப்லோர்  - 3 டீஸ்பூன்
உப்பு ,எண்ணெய் தேவைக்கு.
மேலே தூவ சிறிது மிளகுத்தூள் ( விரும்பினால்)

2 நபர்களுக்கு.
உருளைக்கிழங்கை நன்கு அலசி இப்படி நீள்வாக்கில் கட் செய்து கொள்ளவும்.


ஒரு பாத்திரத்தில் தண்ணீர் கொதிக்க வைக்கவும். கொதி வரவும் கட் செய்த உருளைக்கிழங்கு பாதி உப்பு சேர்த்து வேக விடவும்.முக்கால் வேக்காடு வேகட்டும்.தண்ணீர் வடித்து வைக்கவும்.
 சூட்டுடனே சிறிது உப்பு,மிளகாய்த்தூள் போட்டு மிக்ஸ் செய்யவும்.சிறிது ஊறிய பின்பு அத்துடன் கார்ன்ஃப்லோர் கலந்து பிரட்டி வைக்கவும்.அரைமணி நேரம் ஃப்ரிட்ஜிலோ அல்லது வெளியிலோ இருக்கட்டும்.

 தேவைக்கு ஒரு தவாவில் எண்ணெய் விட்டு பொரித்து எடுக்கவும்.நான் டீப் ஃப்ரை செய்யாமல் கொஞ்சம் எண்ணெய் தான் உபயோகித்து உள்ளேன்.

இதனை சும்மா தான் சாப்பிடனும்னு இல்லை, சாதத்திற்கு சைட் டிஷ்ஷாகவும் பரிமாறலாம்.ஆனால் சூடாக பரிமாறவேண்டும்.


இந்த இறுதிப்படம் எப்படி இருக்கு, நம்ம ராமலஷ்மி எனக்கு பிக்காஸாவில் எடிட்டிங் மெயில் வழியாக சொல்லி தந்தாங்க.சொல்லி தான் தர முடியும், கையை பிடித்து படமா எடுக்க முடியும்.:) ! மிக்க நன்றி தோழி.
ஆனால் பாருங்க, நான் ஒவ்வொரு முறை அவசரமாக தெளிவில்லாமல் எடுக்கும் படங்களைப் பகிரும் பொழுதும் பக்குன்னு இருக்கும்.அவங்களும் என்னை ரொம்ப நாளாக கைடு செய்றாங்க, எனக்கு தான் முடியலை, தெரியலை..சமையற்கட்டில் நிதானமாக படம் எடுத்துக் கொண்டிருப்பது என்னைப் பொறுத்தவரை முடியாத காரியம். இங்கே நான் மொபைலை தான் படம் எடுக்க அதிகம் உபயோகிக்கிறேன்.எங்க வீட்டில் என் மொபைலுக்கு பெயரே கிச்சன் கேமரா தான்.