Thursday, May 16, 2013

மலாய் சிக்கன் கபாப் / Malai Chicken Kebab


தேவையான பொருட்கள்;
முதலில் ஊற வைக்க:
போன்லெஸ் சிக்கன் - அரை கிலோ
மிளகுத்தூள் - அரைடீஸ்பூன்
லைம் ஜூஸ் - 2 டீஸ்பூன்
ஏலக்காய்த்தூள் - 1-2 பின்ச் அல்லது கரம் மசாலா கால் டீஸ்பூன்
இஞ்சி பூண்டு பேஸ்ட் - 1 டீஸ்பூன்
கெட்டி தயிர் - 2 டீஸ்பூன்
மீட் டெண்டரைசர் - கால் - அரைடீஸ்பூன்(விரும்பினால்)
உப்பு - தேவைக்கு
இளம் கோழியாக இருந்தால் தேவையில்லை.

அடிக்கடி கபாப், டிக்கா, கிரில்,பார்பிக்யூ  செய்பவர்கள் இந்த மீட் டெண்டரைசர் வாங்கி வைத்துக் கொண்டு சேர்த்து ஊற வைத்து செய்தால்  சாஃப்டாக இருக்கும்.

சிக்கனை நன்கு அலசி தண்ணீர் சுத்தமாக வடிகட்டி மேற் சொன்ன அனைத்து பொருட்களும் சேர்த்து ஊற வைக்கவும்.

இரண்டாவது ஊற வைக்க:
ஃப்ரெஷ் கிரீம் - 1 டேபிள்ஸ்பூன்
கெட்டி தயிர் - 1 டேபிள்ஸ்பூன்
துருவிய சீஸ் - 3- 4 டேபிள்ஸ்பூன்

வெண்ணெய் - 1 டீஸ்பூன்
2 சிறிய பச்சை மிளகாய்
நறுக்கிய மல்லி இலை - 1-2  டேபிள்ஸ்பூன்
எண்ணெய் - 1 டீஸ்பூன்
உப்பு - மிகச் சிறிது.

 மேற் சொன்ன பொருட்களை மிக்ஸியில் ஒரு 2 சுற்று சுற்றி எடுக்கவும்.
 முதலில் ஊற வைத்த சிக்கனுடன் ரெடி செய்த மிக்ஸை சேர்த்து நன்கு கலந்து விரவவும்.ஃப்ரிட்ஜில் 1 - 2 மணி நேரம் ஊற விடவும்.
 பின்பு ஊறிய சிக்கனை ஃப்ரிட்ஜில் இருந்து எடுத்து கபாப் குச்சிகளில் 4 அல்லது 5 துண்டுகளாக அடுக்கி வைக்கவும்.இப்படியே அனைத்து துண்டுகளையும் கபாப் குச்சிகளில் அடுக்கி முடிக்கவும்.
எலெக்ட்ரிக் ஓவனை  முற்சூடு செய்து கொள்ளவும். எண்ணெய் தடவி ரெடி செய்த நான் ஸ்டிக் ட்ரே அல்லது அலுமினியம் ஃபாயில் போட்டு ரெடி செய்த ட்ரேயில் கபாப் குச்சிகளை அடுக்கவும்.வெப்பம் மேக்சிமம் செட் செய்து கொள்ளவும்.
 கால் மணி நேரம் கழித்து சிக்கன்  கபாப் குச்சிகளை திருப்பி வைக்கவும்.முறுக விடக் கூடாது.

 பஞ்சி மாதிரி வெந்து வரும்.உடனே கவனமாக எடுத்து அப்படியே அல்லது குச்சியில் இருந்து எடுத்தும் சிக்கன் கபாபை சூடாகப் பரிமாறலாம். நறுக்கிய கேரட்,கொடைமிளகாய், வெள்ளரி,வெங்காயம்,லெட்டூஸ் இலைகள் எலுமிச்சை துண்டுகளுடன் பரிமாறவும்.
சுவையான மலாய் சிக்கன் கபாப் ரெடி. விரும்பினால் நீங்களும் செய்து பாருங்க.ஏதாவது ஸ்பெஷல் நாட்களில் செய்து வீட்டில் உள்ளவர்களை அசத்தலாம்.

6 comments:

Sangeetha Nambi said...

Enaku ippave sapdanum pola iruku :(

திண்டுக்கல் தனபாலன் said...

ருசியான மலாய் சிக்கன் கபாப்...

செய்முறை விளக்கத்திற்கு நன்றி...

Radha Rani said...

படத்திலேயே மலாய் சிக்கன் ரொம்ப மென்மையா தெரியுது ஆசியா.. இதுவரை இந்த பக்குவத்தில் செய்ததில்லை.. நல்லா இருக்கு. நானும் செய்து பார்க்கிறேன்.

Shama Nagarajan said...

delicious...tempting

Vimitha Anand said...

Arumaiya irukku... biryani ku super combination

Priya Suresh said...

Mouthwatering here akka,super kebabs..