Sunday, April 26, 2015

சுட்ட கத்திரிக்காய் மசியல் / Grilled Brinjal Masiyal

 இந்த சுட்ட கத்திரிக்காய் மசியலில் புளியோ,தக்காளியோ காரத்திற்கு எந்த மசாலாவோ சேர்க்கலை,ஆனாலும் சிம்ப்ளி சூப்பர்ப். இது தோழி அமைதிச்சாரல் சாந்தி மாரியப்பன் பகிர்ந்தது. கத்திரிக்காய் என்றால் எனக்கு கொண்டாட்டம். நான் செய்து பார்த்தேன் எனக்கு  பிடிச்சிருந்தது. நன்றி சாந்தி.
தேவையான பொருட்கள்;
கத்தரிக்காய் -1
பெரிய வெங்காயம் - 2
பச்சைமிளகாய் - 4 , பூண்டு - 5 பல் , இஞ்சி- 1 இஞ்ச் துண்டு - சேர்த்து தட்டி வையுங்க.
மஞ்சள்பொடி - 1 சிட்டிகை.
கடுகு - 1 ஸ்பூன்
சீரகம் - 1 ஸ்பூன்
எண்ணெய் -1 டேபிள்ஸ்பூன்
உப்பு - தேவைக்கு.

செய்முறை:
இப்படி பெரிய கத்திரிக்காய் எடுத்துக் கொள்ளவும்.
 அடுப்பில் அல்லது கிரிலில் திருப்பி திருப்பி எல்லாப் பக்கமும் சுட்டு எடுக்கவும். கத்திரிக்காய் வெந்து அப்படியே சுருங்கி வரும், தோல் வெடித்து தண்ணீர் வடிய ஆரம்பிக்கும்.
 அடுப்பை அணைக்கவும்.
 தோல் எடுத்து பொடியாக நறுக்கிக் கொள்ளவும்.

கடாயில் எண்ணெய் சூடு செய்யவும். கடுகு,சீரகம் வெடிக்க விடவும்.
தட்டிய  இஞ்சி,,பூண்டு, பச்சை மிளகாய் சேர்க்கவும். வெங்காயம்  சேர்த்து வதக்கவும்.மஞ்சள் தூள் சேர்க்கவும்.நன்கு வதக்கவும்.தேவைக்கு உப்பு சேர்க்கவும்.
 சுட்ட கத்திரிக்காய் சேர்க்கவும்.அடுப்பை சிம்மில் வைத்து பிரட்டவும்.
 நன்கு மசித்து விடவும். அடுப்பை அணைக்கவும்.
சுவையான சுட்ட கத்திரிக்காய் மசியல் ரெடி. சாதம் சப்பாத்திக்கு சைட் டிஸ் ஆக பரிமாறலாம். ஈசியாக செய்யக் கூடியது. நோன்பு கஞ்சிக்கு கூட தொட்டுக் கொள்ளலாம்.

1 comment:

வெங்கட் நாகராஜ் said...

Bengan Bartha - வுக்கு தம்பியோ?

பார்க்க நல்லாத் தான் இருக்கு.