Thursday, April 16, 2015

சேனைக்கிழங்கு சாப்ஸ் / Yam Chops

தேவையான பொருட்கள்:
சேனைக்கிழங்கு - அரைக்கிலோ
எண்ணெய் - 4 டேபிள்ஸ்பூன்
இஞ்சி பூண்டு பேஸ்ட்  2 - 3  டீஸ்பூன்
மஞ்சள் தூள் - அரை டீஸ்பூன்
உப்பு - தேவைக்கு.
வறுத்து அரைக்க :
சோம்பு - 2 டீஸ்பூன்
சீரகம் - 1டீஸ்பூன்
மிளகாய் வற்றல் - 4 அல்லது 6
கிராம்பு - 4
பட்டை - 2 துண்டு
கிராம்பு பட்டை  அளவு அவரவர் விருப்பம், நான் முன்பெல்லாம் இந்த மணம்  குழந்தைகளுக்காக குறைவாக சேர்ப்பேன். இப்ப டேஸ்ட் மாறிவிட்டது, அதனால் கொஞ்சம் மணமாக இருக்கட்டும் என்று கொஞ்சம் அதிகப் படுத்துக் கொண்டேன். விரும்பினால் இத்துடன் மல்லியும் சேர்த்துக் கொள்ளலாம்.


இதனை லேசாக வெறும் வாணலியில் வெதுப்பி பொடித்துக் கொள்ளவும்.

இத்துடன் ஒரு வெங்காயம் ,ஒரு தக்காளி, 2 டேபிள்ஸ்பூன் தேங்காய்த்துருவல் சேர்த்து அரைக்கவும்.
செய்முறை:

சேனைக்கிழங்கை தோல் சீவி மண் போக அலசவும். ஒரு போல  சிறிய சிறிய துண்டுகளாக நறுக்கி கொள்ளவும்.

மஞ்சள் தூள், தேவைக்கு தண்ணீர் சேர்த்து வேக வைக்கவும்.
சுவைக்கு ஏற்ப உப்பு சேர்க்கவும்.
நன்கு வெந்த பின்பு வடிக்கட்டவும்.
வாணலியில் எண்ணெய் சூடு செய்யவும்.இஞ்சி பூண்டு சேர்த்து வதக்கவும். கருவேப்பில்லை சேர்க்கவும்.அரைத்த விழுது சேர்க்கவும்.
நன்கு பச்சை வாடை போக வதக்கவும்.
வேக வைத்த கிழங்கு சேர்த்து பிரட்டவும்.
கெட்டியாக இருந்தால் சிறிது தண்ணீர் தெளித்து பிரட்டி சிம்மில் வைத்து மசாலா கிழங்கில் ஒட்டும் வரை மூடி வைக்கவும்.

பிரட்டி விட்டு அடுப்பை அணைக்கவும்.
நறுக்கிய மல்லி இலை தூவி அலங்கரித்துப் பரிமாறவும்.
சுவையான சேனை சாப்ஸ் ரெடி,
இது ப்லைன் சாதம்,வெரைட்டி ரைஸ், சப்பாத்தியுடன் பரிமாறலாம்.

1 comment:

திண்டுக்கல் தனபாலன் said...

அருமை... எல்லோருக்குமே பிடிக்கும்...

நன்றி...