Thursday, July 23, 2015

தால் மக்னி / Dal Makhni

நாங்கள் ஆக்ரா போய் திரும்பி வரும் வழியில் மதுரா பக்கம் ஒரு ரோட்டோர கடையில் இந்த தால் மக்னியும் ஸ்பைசியாக ஒரு வெஜ் சப்ஜியும் சுட்ட ரொட்டியும் சாப்பிட்டோம். அதில் இருந்து இந்த தால் மக்னி வீட்டில் செய்ய ஆரம்பிச்சாச்சு.


தேவையான பொருட்கள் & செய்முறை:

வேக வைக்க:
உளுந்து - 1 கப்
கிட்னி பீன்ஸ் (ராஜ்மா) - 2 டேபிள்ஸ்பூன்
மஞ்சள் தூள் - கால் டீஸ்பூன்.
தாளிக்க :
எண்ணெய் - 2 டேபிள்ஸ்பூன் அல்லது பட்டர்.
சீரகம் - அரை டீஸ்பூன்
நறுக்கிய பச்சை மிளகாய் - 1
2 பெரிய  வெங்காயம்,2 பெரிய தக்காளி அல்லது தக்காளி ப்யூரி - ஒரு கப்,
6 பல் பூண்டு,அதே அளவு இஞ்சி நறுக்கிக் கொள்ளவும்.
மிளகாய்த்தூள் - 1 டீஸ்பூன்
கரம் மசாலா - கால் டீஸ்பூன்
விரும்பினால் ஃப்ரெஷ் கிரீம் - 1-2 டேபிள்ஸ்பூன்.
உப்பு - தேவைக்கு.
இறுதியாக சேர்க்க:நறுக்கிய மல்லி இலை. பட்டர் அல்லது கிரீம்.

முதலில் 8 மணி நேரம்  உளுந்து ராஜ்மாவை தேவைக்கு தண்ணீர்,சேர்த்து ஊற வைக்கவும்.


ஊறிய பயறை  3 கப் தண்ணீர், மஞ்சள் பொடி  சேர்த்து குக்கரில் முதல் 2 விசில் வந்த பின்பு அடுப்பை குறைத்து 15 நிமிடம் வேக வைக்கவும்.ஆவியடங்கிய பின்பு குக்கரை திறந்து மசித்து விடவும்.

2 பெரிய  வெங்காயம்,2 பெரிய தக்காளி, 6 பல் பூண்டு,அதே அளவு இஞ்சி, ஒரு பச்சை மிளகாய் நறுக்கிக் கொள்ளவும். தாளிக்க எண்ணெய் - 2 டேபிள்ஸ்பூன் ஒரு வாணலியில் விடவும்.
 சீரகம் பொரிந்தவுடன் இஞ்சி பூண்டு சேர்க்கவும்.
 வெங்காயம் பச்சை மிளகாய் சேர்க்கவும்.வதக்கவும்.
 நறுக்கிய தக்காளி அல்லது தக்காளி  ப்யூரி சேர்க்கலாம். உப்பு சேர்த்து வதக்கவும்.



 மிளகாய்த்தூள் சேர்க்கவும்.
 
 நன்கு ஒரு சேர தண்ணீர் தெளித்து வதக்கவும்.
 வேக வைத்து மசித்த உளுந்து ராஜ்மாவை சேர்க்கவும்.

கரம் மசாலா சேர்க்கவும். காரம் தேவைப்பட்டால் சிறிது மிளகாய்த்தூள் சேர்க்கவும்.

நன்கு கொதிக்க விடவும். உப்பு சர் பார்க்கவும். அடுப்பை அணைக்கும்  சமயத்தில் ஒரு ஸ்பூன் பட்டர் சேர்க்கவும். பட்டர் இல்லையெனில் நெய் சேர்க்கலாம்.
விரும்பினால் சிறிது ஃப்ரெஷ் கிரீம் சேர்க்கலாம். கலந்து விட்டு நறுக்கிய மல்லி இலை தூவி பரிமாறவும்.
 செமையாக இருக்கும்.சத்தானதும் கூட.
 இந்த தால் மக்னி சுட்ட சப்பாத்தி அல்லது  ஹோல் மீல் ப்ரெட்  உடன் சாப்பிட சூப்பராக இருக்கும்.

4 comments:

திண்டுக்கல் தனபாலன் said...

ராஜ்மா எப்படி செய்தாலும் சரியில்லை... இவ்வாறு செய்து பார்க்கிறோம்... நன்றி...

பரிவை சே.குமார் said...

படங்களுடன் குறிப்பு அருமை அக்கா...

Fazee... said...

Is it whole green gram dhal or urid dhal..in pics it looks like green gram dhal?

Asiya Omar said...

It is whole black gram only, may be picture defect. Thanks for your visit and doubt fazee.