Tuesday, August 4, 2015

வெள்ளை பூசணிப் பொரியல் / தோரன் / Ash gourd poriyal / thoran


 தேவையான பொருட்கள்;
சிறிதாக நறுக்கிய வெள்ளைப் பூசணி - 2 கப்
நறுக்கிய வெங்காயம் - 1
தேங்காய்த்துருவல் - 3 அல்லது 4 டேபிள்ஸ்பூன்
தேங்காய் எண்ணெய் - 1 டேபிள்ஸ்பூன்
கடுகு,உ பருப்பு - 1 டீஸ்பூன்
சீரகம் - கால் டீஸ்பூன் (விரும்பினால்)
மிளகாய் வற்றல் - 2
மஞ்சள் தூள் - கால் டீஸ்பூன்
மிளகாய்த்தூள் - கால் டீஸ்பூன்
கருவேப்பிலை - 1 இணுக்கு
உப்பு - தேவைக்கு.

செய்முறை:
பூசணியின் தோல் நீக்கி, நடுவில் உள்ள விதைகளையும் எடுத்து விடவும்.நன்கு அலசிக்கொள்ளவும்.
 பொடியாக நறுக்கி வைக்கவும்.
 ஒரு வாணலியில் தேங்காய் எண்ணெய் விடவும். சூடானவுடன் கடுகு, உளுத்தம் பருப்பு,வற்றல் போடவும்.கடுகு வெடிக்கும் பொழுது நறுக்கிய வெங்காயம் சேர்க்கவும்.வதக்கவும். மஞ்சள் தூள் சேர்க்கவும்.
 கருவேப்பிலை சேர்க்கவும். நறுக்கிய பூசணி சேர்க்கவும். மிளகாய்த்தூள் சேர்க்கவும். தேவைக்கு உப்பு சேர்த்து நன்கு பிரட்டவும்.மூடி போட்டு வேக விடவும்.தண்ணீர் வற்றும் வரை வேக வேண்டும்.
 நன்கு வெந்த பின்பு தேங்காய்த்துருவல் சேர்க்கவும்.
 ஒரு சேர பிரட்டி விட்டு அடுப்பை அணைக்கவும்.

சுவையான பூசணிப் பொரியல் அல்லது  பூசணி தோரன் ரெடி.
சப்பாத்தி அல்லது சாதத்திற்கு பக்க உணவாகப் பரிமாறலாம்.

No comments: