Tuesday, November 10, 2015

முழுக்கோழி வறுவல் / Whole Chicken fry

முழுக்கோழி வறுவல் ஈசியாக வீட்டிலேயே செய்து விடலாம். எப்பவும்  கிரில் செய்வதுண்டு, பொரித்துப் பார்த்தேன் செமை.நீங்களும் செய்து பாருங்க.
தேவையான பொருட்கள்;
 கோழி - 800 கிராம்
சிக்கன் 65 மசாலா - 4 டீஸ்பூன்
இஞ்சி பூண்டு பேஸ்ட் - 2 டீஸ்பூன்
லெமன் ஜூஸ் - 1 டேபிள்ஸ்பூன்
உப்பு - தேவைக்கு.
பொரிக்க - தேங்காய் எண்ணெய்.
அலங்கரிக்க ~ வறுத்த கருவேப்பிலை, நறுக்கிய வெங்காயம், லெமன் ஸ்லைஸ்.

செய்முறை:
தோல் நீக்கி சுத்தம் செய்த சிக்கனை நன்கு 4 தண்ணீர் வைத்து அலசிக் கொள்ளவும். சிக்கனை அங்கங்கு கத்தியால் கோடு (கீறி  விட்டுக்)போட்டுக் கொள்ளவும்.இறுதியாக மஞ்சள் பொடி கலந்த  நீரில் அலசி நன்றாக  தண்ணீர் வடித்து வைக்கவும்.

பின்பு மேற்சொன்ன மசாலா கலந்து  சிக்கன் மீது பூசி ஊற வைக்கவும்.உப்பு சரி பார்க்கவும்.அல்லது தங்கள் விருப்பப்படி மசாலா சேர்க்கலாம்.
 ஃப்ரிட்ஜில் குறைந்தது 3-4 மணி நேரம் ஊற விடவும்.
பொரிக்க 1 மணி நேரம் முன்பு ஃப்ரிட்ஜில் இருந்து எடுத்து வைக்கவும்.


ஒரு நான்ஸ்டிக் கடாயில் எண்ணெய் சூடு செய்யவும்.இரண்டு பக்கமும் நன்கு வெந்து வருமாறு சிவற பொரித்து எடுக்கவும்.
எண்ணெய் வடித்து எடுக்கவும்.
சிக்கனை அலங்கரித்துப் பரிமாறவும்.
பின்பு துண்டு செய்து சாப்பிடவும்.சும்மாவே சாப்பிடலாம். செமையாக இருக்கும்.தேங்காய் எண்ணெயில் பொரிப்பது தான் இந்த ஃப்ரைக்கு அதிக சுவையையும்  மணத்தையும் கொடுக்கும்.

நிச்சயம் செய்து பாருங்க. சூப்பராக இருக்கும்.

2 comments:

sangeethas creations said...

வாசனை தூக்குது .... உங்க சமையல் மணக்குது ...

பரிவை சே.குமார் said...

வணக்கம்...

நலம் நலமே ஆகுக.

தங்களை ஒரு தொடர் பதிவில் இணைத்திருக்கிறேன்...
முடிந்தால்... முடியும் போது எழுதுங்கள்...

http://vayalaan.blogspot.com/2015/11/12.html