Wednesday, December 23, 2015

பீட்ரூட் பீஸ் பிரியாணி / Beetroot Peas Briyani


 தேவையான பொருட்கள்;
பாசுமதி ரைஸ் அல்லது சீரக சம்பா- 200 கிராம்
மீடியம் சைஸ் பீட்ரூட்  நறுக்கியது - 1
பச்சை பட்டாணி - கால் கப்
நறுக்கிய வெங்காயம் - 1
நறுக்கிய தக்காளி - 1
பச்சை மிளகாய் - 2
நறுக்கிய மல்லி,புதினா - சிறிது.
புளிக்காத தயிர் -  2 டேபிள்ஸ்பூன்
எண்ணெய் -2 - 3 டேபிள்ஸ்பூன், நெய் - 2 டீஸ்பூன்
இஞ்சி பூண்டு விழுது - 2 டீஸ்பூன் குவியலாக
கரம் மசாலா - கால் டீஸ்பூன்(ஏலம் பட்டை கிராம்பு தூள்)
மஞ்சள் தூள்,மிளகாய்த்தூள் - தலா கால் டீஸ்பூன்
மல்லித்தூள் - அரை டீஸ்பூன்
லைம் ஜூஸ் - 1 டீஸ்பூன்
உப்பு - தேவைக்கு.

பரிமாறும் அளவு - இரு நபர்கள்.
செய்முறை:

 நறுக்கிய வேண்டியவற்றை நறுக்கி தயார் செய்து கொள்ளவும்.
 குக்கர் அல்லது ஒரு பாத்திரத்தில் எண்ணெய் விடவும்.
 வெங்காயம் வதக்கி,இஞ்சிபூண்டு கரம் மசாலா சேர்க்கவும்.நன்கு வதக்கவும்.
 தக்காளி,பச்சை மிளகாய் உப்பு சேர்த்து சுருள வதக்கவும்.அத்துடன் மசாலா தூள் வகைகள் சேர்க்கவும்.
 ஒரு சேர பிரட்டி விடவும்.
 பீட்ரூட்,பச்சை பட்டாணி சேர்க்கவும்.
 ஒரு சேர பிரட்டவும்.
 தயிர் சேர்க்கவும்.
 கலந்து விடவும்.சிறிது சிம்மில் இருக்கட்டும்.
 பின்பு அரிசி சேர்த்து பிரட்டவும்.

 தேவைக்கு ஒன்றுக்கு ஒன்றரை கப் கொதி நீர்  சேர்க்கவும்.
 உப்பு சரி பார்த்து நெய், நறுக்கிய மல்லி புதினா சேர்த்து குக்கரை மூடி சிம்மில் வைத்து 10 நிமிடம் கழித்து அடுப்பை அணைக்கவும்.

ஆவியடங்கியவுடன் திறந்து பிரியாணியில், சோறு உடையாதவாறு பிரட்டவும். இல்லையெனில் அப்படியே பவுலில் கொட்டி லேசாக பிரட்டிப் பரிமாறவும்.
பாத்திரத்தில் சமைத்தால் சிறிது மூடி, தம் போட்டு இறக்கவும்.
சுவையான சத்தான பீட்ரூட் பீஸ் பிரியாணி ரெடி.
லஞ்ச் பாக்ஸ்க்கு செமையாக இருக்கும்.
உடன் சாப்பிட ஆனியன் ரைத்தா அல்லது ஒரு புதினா மல்லி துவையலோ பப்படமோ போதும்.
செய்து பாருங்க.

1 comment:

Shamee S said...

wow..delicious briyaani..