Tuesday, December 22, 2015

மலபார் நெய்ச் சோறு / Malabar Ghee Rice

 தேவையான பொருட்கள்;
சீரக சம்பா அரிசி - 1 கப்
நெய் - 2 டேபிள்ஸ்பூன்
முந்திரி & கிஸ்மிஸ் - சிறிது
ஏலம் -3 ,பட்டை - 1 துண்டு, கிராம்பு - 4 ,பிரியாணி இலை - 1
நறுக்கிய பெரிய வெங்காயம் - 1
இஞ்சி பூண்டு பேஸ்ட் - 1 டீஸ்பூன்
கொதிக்கும் நீர் - 2 கப்
உப்பு - தேவைக்கு.
நறுக்கிய மல்லி இலை - சிறிது.

செய்முறை:
அரிசியை நன்கு கழைந்து தண்ணீர் வடித்து விட்டு பின்பு தண்ணீர் சேர்த்து ஊற வைக்கவும்.
அடுப்பில்  நெய்ச்சோறு செய்ய அடிகனமான பாத்திரம் வைத்து நெய் விடவும். முதலில் முந்திரி திராட்சை வறுத்து எடுத்து தனியாக வைக்கவும்.
அதன் பின்பு நறுக்கிய வெங்காயம் சேர்த்து பொன்னிறமாக வறுத்து எடுத்து வைக்கவும்.


 அதே நெய்யில் ஏலம் பட்டை கிராம்பு, பிரியாணி இலை போட்டு வதக்கி சிறிது முந்திரி பருப்பும் ,இஞ்சி பூண்டு விழுதும் சேர்த்து அடுப்பை சிம்மில் வைத்து நன்கு பச்சை வாடை போகுமாறு வதக்கவும்.

 பின்பு ஊறிய அரிசியை தண்ணீர் வடித்து விட்டு சேர்த்து வதக்கவும்.

 அரிசியின் அளவிற்கு இரண்டு அளவு கொதி நீர் சேர்த்து தேவைக்கு உப்பு சேர்க்கவும்.நெய்ச்சோறு சாஃப்டாக இருக்க வேண்டும் என்றால்  கால் கப் தண்ணீர் அதிகம் சேர்த்துக் கொள்ளலாம்.மூடி வேக விடவும்.
 அரிசி வெந்து மேலே வரும் பொழுது திறந்து பிரட்டி  விடவும். தம் போடவும்.

தம் ஆனவுடன் திறந்து வறுத்த முந்திரி,கிஸ்மிஸ் நறுக்கிய மல்லி இலை சேர்க்கவும்.

தேவைப்பட்டால் ஒரு டீஸ்பூன் நெய் சேர்க்கவும். சிறிது மூடி வைக்கவும்.

 
 பின்பு திறந்து நன்கு பிரட்டி விடவும்.
சுவையான மலபார் நெய்ச் சோறு ரெடி.

பவுலில் நெய்சோறை எடுத்து சிக்கன் அல்லது மட்டன் கறியுடன் பரிமாறவும்.

1 comment:

Muthu mani said...

Very Nice Recipe,
Want to try making it,

Thanks
Muthu