Sunday, January 25, 2015

மைக்ரோவேவ் ஆம்லெட் மேக்கர் - வீடியோ சமையல் / Microwave Omlette maker - Video Samaiyal

பாத்திரங்கள் உபகரணங்கள் பகுதிக்கு போஸ்டிங் போட்டு ரொம்ப நாள் ஆகுது. இதோ என்னோட மைக்ரோவேவ் ஆம்லெட் மேக்கர் பகிர்வு.


பேச்சிலர்ஸ்க்கு இது ரொம்ப உபயோகமாக இருக்கும்.ஈசியாக மைக்ரோவேவில் நிமிடத்தில் ஆனியன் ஆம்லெட் எப்படி செய்வது என்பது பற்றி சொல்லி தந்திருக்கேன்.இதில் ஈசியாக புல்ஸ் ஐ, ஸ்கிராம்பில்ட் எக் எல்லாம் செய்யலாம்.
பிடிச்சிருந்தால் நீங்களும் செய்து பாருங்க.ஆம்லெட் மேக்கர் இல்லாவிட்டால் கூட ஏதாவது மைக்ரோவேவ் பவுலில் செய்து அசத்தலாம்.

வெஜிடபிள் பிரியாணி (ரெஸ்டாரண்ட் ஸ்டைல்) Vegetable Briyani - (Restaurant Style)


தேவையான பொருட்கள்;
முதலில் பிரியாணி மசாலா ரெடி செய்ய:
அடுப்பில் ஒரு வாணலியில் எண்ணெய் 2 டீஸ்பூன் +ஏலம் 4 +கிராம்பு 4 +பட்டை 2 துண்டு+அன்னாசிப்பூ  1+ நட்சத்திர மொக்கு பாதி + சோம்பு 2 டீஸ்பூன்+பிரியாணி இலை 2 சேர்த்து நன்கு வதக்கவும்.

அத்துடன் நறுக்கிய ஒரு பெரிய வெங்காயம்,ஒரு பெரிய தக்காளி, தலா ஒரு கைப்பிடி,மல்லி,புதினா சேர்த்து நன்கு வதக்கவும்.

 இஞ்சி பூண்டும் இத்துடன் சேர்த்துக் கொள்ளலாம். எனக்கு பிரியாணி தாளிக்கும் பொழுது வெங்காயத்துடன் வதக்க விருப்பம் .அதனால் இங்கு சேர்க்கவில்லை. சிறிது உப்பு சேர்த்துக் கொள்ளவும்.

நன்கு வதங்கிய பின்பு  ஒரு டீஸ்பூன் மல்லித்தூள், அரை டீஸ்பூன் மிளகாய்த்தூள், அரைடீஸ்பூன் சீரகத்தூள் ,அரைடீஸ்பூன் மஞ்சள் தூள் சேர்க்கவும்.
 
 நன்கு பிரட்டி அடுப்பை சிம்மில் வைத்து வதங்க விடவும்.

 வதங்கிய பின்பு அடுப்பை அணைத்து ஆற விடவும்.
 ஆறிய பின்பு மிக்ஸி ஜாரில் போட்டு அரைத்து எடுக்கவும்.
பிரியாணி மசாலா பேஸ்ட் ரெடியாகிவிட்டது.இப்படி பேஸ்ட் செய்து ரெடியாக ஃப்ரிட்ஜில் வைத்துக் கொண்டால் எந்த வகை பிரியாணியும் செய்யலாம்.

காய்கறி பிரியாணி செய்ய மற்ற தேவையான பொருட்கள்;

பாசுமதி அல்லது சீரக சம்பா - 2 கப்
காய்கறி - கேரட்- 1,உருளைக்கிழங்கு - 1,பீன்ஸ் - 15 எண்ணம், உரித்த பச்சை பட்டாணி - ஒரு கையளவு
பெரிய வெங்காயம் - 1 (100 கிராம்)
இஞ்சி பூண்டு பேஸ்ட் - 4 -5  டீஸ்பூன்
தயிர் - ஒரு கப்
எலுமிச்சை - சிறியது 1
பச்சை மிளகாய் - 2  நீள்வாக்கில் நறுக்கியது.
நறுக்கிய மல்லி புதினா சிறிது -
எண்ணெய் - 5 டேபிள்ஸ்பூன்
நெய் -1- 2  டேபிள்ஸ்பூன்
உப்பு - தேவைக்கு.
அரிசியை ஊற வைக்கவும்.காய்கறிகளை ஒரே அளவாக நறுக்கி கொள்ளவும். வெங்காயம் பச்சை மிளகாய் நறுக்கி வைக்கவும்.
பிரியாணி செய்முறை:
ஒரு அடிகனமான பாத்திரத்தில் எண்ணெய் விடவும்.சூடானவுடன் நறுக்கிய வெங்காயம் போட்டு சிவற வதக்கவும்.
இஞ்சி பூண்டு பேஸ்ட் சேர்க்கவும்.
நன்கு வதக்கவும்.


நறுக்கி தயாராக உள்ள காய்கறிகள் போடவும்.
ஒரு சேர பிரட்டி மூடி போட்டு வேக விடவும்.
பாதி வெந்து வரும் பொழுது பிரியாணி மசாலா சேர்க்கவும்.
நன்கு கொதிக்கட்டும்.
தயிர் சேர்க்கவும்.
நன்கு கலந்து விடவும்.
தண்ணீர் வடித்து விட்டு ஊறிய அரிசி சேர்த்து நன்கு பிரட்டவும்.
அரிசி அளவிற்கு இரண்டு அளவு கொதி நீர் விடவும்.உப்பு தேவைக்கு சேர்க்கவும்.
மூடி மீடியமாக நெருப்பை எரிய விடவும்.அரிசி மலர்ந்து தண்ணீர் வற்றி வரும்.எலுமிச்சை பிழியவும்.
நறுக்கிய மல்லி புதினா,பச்சை மிளகாய் சேர்க்கவும்.பிரட்டி விடவும்.
மேலே நெய் சேர்க்கவும்.

மூடி 10 நிமிடம் சிம்மில் தம் செய்யவும். அடுப்பை அணைக்கவும்.

மீண்டும் 10 நிமிடம் கழித்து திறந்து பிரட்டி பரிமாறவும்.உடனே திறக்கக் கூடாது.

சுவையான ரெஸ்டாரண்ட் ஸ்டைல் வெஜ் பிரியாணி ரெடி. ஜம்மென்று இருக்கும்.

என்னோட படங்கள் எல்லாம் மொபைலில் எடுப்பது,அவசர அவசரமாக் கிளிக்குவேன். ஒரு சில படங்கள் தெளிவில்லாமல் இருக்கலாம், எனக்கு என்னவோ சமைக்கும் பொழுது கேமராவில் எடுக்க வசதிப்பட மாட்டேங்குது. முடிந்தளவு தெளிவாக கொடுக்க முயற்சிக்கிறேன்.
இனி மீண்டும் சந்திப்போம் !

Friday, January 23, 2015

சிக்கன் விங்ஸ் ஃப்ரை / Chicken wings fry

 தேவையான பொருட்கள்;
ஊற வைக்க:
சிக்கன் விங்ஸ் - அரைக்கிலோ
சிக்கன் 65 மசாலா - 3 - 4 டீஸ்பூன்
இஞ்சி பூண்டு பேஸ்ட் - 2 டீஸ்பூன்
எலுமிச்சை ஜூஸ் - மீடியம் சைஸ் பழத்தில்
உப்பு - தேவைக்கு.

ஊறிய சிக்கனை முக்கி எடுக்க:
முட்டை - 1
மைதா கார்ன்ஃப்லோர் மிக்ஸ்(உப்பு,மிளகு -சிறிது) சேர்த்து  ஒரு கப்
பொரிக்க எண்ணெய் - தேவைக்கு.

செய்முறை:-
சிக்கன் விங்ஸ் ஒவ்வொன்றையும் இரண்டாக கட் செய்யவும்.தேவையற்ற தோல் பகுதியை கட் செய்யவும்.
நன்கு அலசி சுத்தமாக தண்ணீர் வடித்து வைக்கவும்.


 தண்ணீர் வடித்த சிக்கன் விங்ஸ் துண்டுகளை ஒரு பவுலில் எடுத்து அத்துடன் சிக்கன் 65 மசாலா,இஞ்சி பூண்டு பேஸ்ட் ,எலுமிச்சை ஜூஸ்,தேவைக்கு சிறிது உப்பு சேர்க்கவும்.மசாலாவில் உப்பு இருந்தால் சேர்க்க தேவையில்லை.
 நன்கு விரவி ஊற வைக்கவும்.
முன்பே செய்து ஃப்ரிட்ஜில் ஊற வைக்கலாம்.
 தனித்தனியாக முட்டையில் டிப் செய்யாமல் நான் முட்டை முழுவதையும் சேர்த்து கலந்து வைத்து விட்டேன்.

 பின்பு ஒவ்வொரு துண்டாக எடுத்து டிப் செய்து மொத்தத்தையும் தயார் செய்து கொள்ளவும்.


 ஒரு 4 டேபிள்ஸ்பூன் மைதா எடுத்தால் 2 டேபிள்ஸ்பூன் கார்ன்ஃப்லோர் சேர்த்து சிறிது உப்பு,மிளகு சேர்த்து கலந்து கொள்ளலாம்.நான் சும்மா குத்துமதிப்பாகத்தான் மைதா, கார்ன்ஃப்லோர் மிக்ஸ் சேர்த்தேன்.விரும்பினால் இதனோடு ப்ரெட்கிரம்ஸ் சேர்த்தும் கோட்டிங் மிக்ஸ் கலந்து வைக்கலாம்.ஒவ்வொரு முறையும் ஏதாவது மாறுதல் செய்து பொரித்து பார்க்கலாம்.

 வாணலியில் எண்ணெய் சூடு செய்யவும்.
பகுதி பகுதியாக போட்டு முறுக பொரித்து எடுக்கவும்.
நன்கு சிவற பொரிந்த பின் எண்ணெய் வடித்து எடுக்கவும்.
சுவையான சிக்கன் விங்ஸ் ஃப்ரை ரெடி .இப்படி பொரித்தால் எண்ணெய் அதிகமாக குடிக்காது.
பார்ட்டியில் ஸ்டார்டராக பரிமாறலாம். 


இதே விங்ஸ் சை லாலி பாப் மாதிரி கட் செய்தும் பொரித்து பரிமாறலாம்.
விங்ஸ் ஃப்ரெஷாக இப்படி வாங்கி ஃப்ரை செய்து சாப்பிட்டு பாருங்க,சூப்பராக இருக்கும்.

Thursday, January 22, 2015

3 வகையான வெரைட்டி ரைஸ் - தேங்காய்,எலுமிச்சை & தயிர் சாதம்/ 3 Type Variety Rice- Lemon,Coconut & Curd rice.


 சாதம் :
தேங்காய் சாதம்:_
தேவையான பொருட்கள்;
வடித்த சாதம் - 1 கப்
தேங்காய் துருவல் - 3/4 கப்
எண்ணெய் - 2 டேபிள்ஸ்பூன்
கடுகு ,உளுத்தம் பருப்பு - 1 டீஸ்பூன்
கடலை பருப்பு - 1 டீஸ்பூன்
முந்திரி பருப்பு - 10-15
மிளகாய் வற்றல் - 3
பெருங்காயத்தூள் - பின்ச்
கருவேப்பிலை - சிறிது.
செய்முறை:
சாதம் வடித்து ஆற வைக்கவும்.தேங்காய் துருவி வைக்கவும்.
வாணலியில் எண்ணெய் சூடானவுடன் தாளிக்க கடுகு,உளுத்தம் பருப்பு,கடலை பருப்பு,முந்திரிபருப்பு,வற்றல்,பெருங்காயம் கருவேப்பிலை சேர்த்து வதக்கவும்.
தேங்காய் துருவல் சேர்க்கவும்.பிரட்டி விடவும்.
சாதம் சேர்க்கவும்.உப்பு சிறிது தேவைக்கு தூவவும்.
நன்கு கலந்து விடவும்.
சுவையான தேங்காய் சாதம் ரெடி.


எலுமிச்சை சாதம் :
தேவையான பொருட்கள்;
வடித்த சாதம் - 1 தட்டு
சிறிய சைஸ் எலுமிச்சை பழம் - 1 (ஜூஸ் எடுக்க)
கடுகு,உளுத்தம் பருப்பு - 1டீஸ்பூன்
கடலை பருப்பு - 1 டீஸ்பூன்
வேர்க்கடலை -  2 டீஸ்பூன்
மிளகாய் வற்றல் - 2 அல்லது கீரிய பச்சை மிள்காய் - 2
பெருங்காயப் பொடி 2 பின்ச் அல்லது  இஞ்சி நறுக்கியது ஒரு டீஸ்பூன்
(நான் மிளகாய் வற்றல் சேர்த்தால் பெருங்காயப் பொடி சேர்ப்பேன், ஒரு நேரம் பச்சை மிளகாய் சேர்த்தால் இஞ்சியும் சேர்ப்பேன் மணம் மாற்றத்திற்காக)
மஞ்சள் தூள் - 2 பின்ச்
கருவேப்பிலை - 1 இணுக்கு
உப்பு - தேவைக்கு.
செய்முறை:
வாணலியில் எண்ணெய் விட்டு சூடானவுடன் கடுகு,உளுத்தம் பருப்பு,கடலை பருப்பு,வேர்க்கடலை, மிளகாய் வற்றல், கருவேப்பிலை,மஞ்சள் தூள், பெருங்காயம் சேர்த்து தாளிக்கவும்.  சாதம் சேர்க்கவும். எலுமிச்சை சாறு சேர்க்கவும். நன்கு பிரட்டி விடவும். சாதம் சூடேறியவுடன் அடுப்பை அணைக்கவும்.
சுவையான எலுமிச்சை சாதம் ரெடி.

தயிர் சாதம்:
தேவையான பொருட்கள்; 
சாதம் 150 கிராம் அரிசியில் குழைவாய் வடித்தது
காய்ச்சிய பால் - ஒரு கப்
கெட்டித்தயிர் - ஒன்னரை கப்
உப்பு - தேவைக்கு.
தாளிக்க:
எண்ணெய் - 2 டீஸ்பூன்
கடுகு,உ.பருப்பு - 1 டீஸ்பூன்
கடலை பருப்பு - 1 டீஸ்பூன்
இஞ்சி பொடியாக நறுக்கியது - 1 டீஸ்பூன்
பெருங்காயம் - பெரிய பின்ச்
நறுக்கிய மல்லி இலை, கருவேப்பிலை.
செய்முறை:
குழைவாய் வடித்த சாதத்தில் பால் விட்டு மசித்துக் கொள்ளவும்.
தயிர் சேர்த்து கலந்து வைக்கவும்.தேவைக்கு உப்பு சேர்க்கவும்.நறுக்கிய மல்லி கருவேப்பிலை சேர்க்கவும்.
தாளிக்க சொன்னவற்றை தாளித்து கொட்டவும்.
நன்கு கலந்து பரிமாறவும்.
சுவையான தயிர் சாதம் ரெடி.

வெரைட்டி ரைஸ் எந்த வகை செய்தாலும் தயிர் சாதத்தில் முடித்தால் தான் திருப்தியாக இருக்கும்.


மெனு  - 1  (வெஜ் வெரைட்டி ரைஸ் & பக்க உணவுகள்) 
கர்ப்பிணி பெண்களுக்கு இப்படி வாய்க்கு ருசியாக செய்து கொடுத்தால் ரசித்து சாப்பிடுவார்கள்.வளைக்காப்பு மெனுன்னு கூட இதை சொல்லலாம்.




Wednesday, January 21, 2015

கருப்பு உளுந்து வடை & இனிப்பு & கார உளுந்து சுண்டல் / Black gram vadai & Black gram sweet sundal

 ஊரில் இருந்து எடுத்து வந்த  தோட்டத்தில் விளைந்த உளுந்து ( ஆர்கானிக்) .அது அப்படியே பாட்டிலில் இருந்தது. ஒவ்வொரு நாளும் இதை பயன்படுத்தாமல் வைத்திருக்கோமேன்னு நினைவில் வரும்.இன்று தான் அதற்கு நேரம் வந்திருக்கு.சமைத்து அசத்தியாச்சு.

உளுந்தில் வண்டு விழாமல் இருக்க ஒரு பெரிய பாத்திரத்தில் போட்டு லேசாக மணம் வரும் படி வறுத்து ஆற வைத்து ஒரு டப்பாவில் எடுத்து வைக்கவும்.
இனி செய்முறைக்குச் செல்வோம்.
 தேவையான பொருட்கள்;-
இனிப்பு & கார சுண்டல் 
முழு உளுந்து - 1 கப் (ஊற வைத்து எடுக்கவும் ) இரண்டு கப் அளவு வரும்.
தேவைக்கு தேங்காய் துருவல்
சீனி
நெய் .
கார சுண்டல் தாளிக்க எண்ணெய்,கடுகு,உ.பருப்பு,கருவேப்பிலை,வெங்காயம்
தேங்காய் துருவல்
உப்பு.
எல்லாம் தேவைக்கு கொஞ்சம் எடுத்துக் கொள்ளவும்.
செய்முறை:

 இரவு ஊற வைத்தால் காலையில் பக்குவமாக ஊறி இருக்கும்.அரித்து எடுக்கவும்.
அடுப்பில் ஒரு பாத்திரத்தில் தேவைக்கு தண்ணீர் வைத்து நன்கு கொதித்தவுடன் ஊறிய உளுந்தை போடவும். கால் மனி நேரத்திற்குள் வெந்து விடும்.வடித்து வைக்கவும்.
இனிப்பு சுண்டலுக்கு ஒரு கப் உளுந்திற்கு 1 டேபிள்ஸ்பூன் சீனி, தேவைக்கு தேங்காய் துருவல் கால் டீஸ்பூன் நெய் போட்டு சூட்டுடன் கலந்து வைக்கவும். பின் பரிமாறவும்.
 சுவையான இனிப்பு சுண்டல் ரெடி.
 கார சுண்டல் ரெடி செய்ய வேக வைத்த உளுந்தை மேற்கூறிய பொருட்கள் சேர்த்து தாளித்து தேங்காய் துருவல் சேர்த்து பரிமாறவும்.

இனி கருப்பு உளுந்து வடை செய்ய:

 தேவையான பொருட்கள்;
அரைக்க:
ஊற வைத்த உளுந்து - ஒரு கப்



 இஞ்சி - சிறு துண்டு
பச்சை மிளகாய் - 1
தேவைக்கு சிறிது உப்பு சேர்த்து அரைக்கவும்.
 அரைத்த உளுந்துடன் நறுக்கிய வெங்காயம் 1, நறுக்கிய மல்லி கருவேப்பிலை சிறிது,பொடித்த மிளகு -கால் அல்லது அரை டீஸ்பூன்  சேர்த்து கலந்து கொள்ளவும்.
 அடுப்பில் வாணலியில் தேவைக்கு எண்ணெய் விடவும்.
 எண்ணெய் சூடானவுடன் அடுப்பை மிதப்படுத்தி கையில் தண்ணீர் தொட்டுக் கொண்டு மாவை கொஞ்சம் கொஞ்சமாக  எடுத்து வடையாக  தட்டி போடவும்.
 நிதானமாக இளஞ்சிவப்பாக நிறம் வரும் வரை சுடவும்.வெளிப்புறம் மொறு மொறுப்பாகவும் உட்புறம் மெதுவாகவும் இருக்கும்.சுத்தமாக எண்ணெய் குடிகாது.ருசி அபாரமாக இருக்கும்.
ஒரு கப் ஊறிய உளுந்திற்கு மீடியம் சைஸ் 8 வடை வரும்.
 சத்தான சுவையான கருப்பு உளுந்து வடை ரெடி. சட்னி கூட தேவையில்லை,அப்படியே சாப்பிடலாம். காரசாரமாக சூப்பராக இருக்கும்.
காலை அல்லது மாலை நேர டிஃபனுக்கு ஏற்றது.