Tuesday, September 29, 2015

கலவை மீன் குழம்பு / Variety fish curry


பல விதமாக மீன் குழம்பு செய்து இங்கு பகிர்ந்திருக்கிறேன். இந்த முறை சிறிய மாற்றத்துடன் செய்த பொழுது கிளிக்கியது. மீன் நிறைய வாங்கினால் மீன்காரம்மா ஓசிக்கு தன் கூடையில் இருக்கும் எல்லா மீனிலும் சிறிய சைஸ் மீனை எல்லாம் போட்டு குழம்பு வையுங்கன்னு தருவாங்க.
அப்படி தந்த பொழுது வெரைட்டியாக மீன்கள் சேர்த்து செய்த குழம்பு.செம டேஸ்ட்.
மீனை சுத்தம் செய்து துண்டு போட்டு நன்கு வாடை போக அலசிக் கொள்ளவும்.உப்பு மஞ்சள் தூள் போட்டு விரவி மீண்டும் அலசவும்.தண்ணீர் வடித்து வைக்கவும்.
அரைக்கிலோ மீனிற்கு இரண்டு தக்காளி மிக்ஸி ஜாரில்  சுற்றி வைக்கவும்.நூறு கிராம் சின்ன வெங்காயம், ஒரு 6 பல்லு பூண்டு சேர்த்து அதையும் தனியாக பரபரன்னு சுற்றி வைக்கவும். எலுமிச்சை அளவு புளி கரைத்து வைக்கவும்.பச்சை மிளகாய் 2 கீரி வைக்கவும்.மல்லி கருவேப்பிலை , தேங்காய் அரைத்த விழுது அரை கப் ரெடி செய்து கொள்ளவும்.

ஒரு மண் சட்டியில் நல்ல எண்ணெய் 3- 4 டேபிள்ஸ்பூன் விடவும். எண்ணெய் சூடானவுடன் சிறிது  கடுகு,வெந்தயம்,உளுத்தம் பருப்பு சேர்க்கவும். எல்லாம் பொரிந்து வரும்பொழுது கருவேப்பிலை சேர்க்கவும்.
தட்டிய,வெங்காயம் பூண்டு, கீரிய மிளகாய் சேர்க்கவும்.நன்கு பொன்னிறமாக வதக்கவும்.
அரைத்த தக்காளி விழுது சேர்க்கவும்.சிம்மில் வைத்து பச்சை வாடை போகும் வரை வதக்கவும்.

காரத்திற்கு மிளகாய்த்தூள் ஒரு டீஸ்பூன், மீன் மசாலா 2டேபிள்ஸ்பூன் சேர்க்கவும்.
நன்கு வதக்கவும்.புளித்தண்ணீர் சேர்க்கவும்.
நன்கு கொதித்து பச்சை வாடை அடங்கியவுடன்  மீன் சேர்க்கவும்.

எல்லா மீனும்கலந்து போடுவதால் சுவை பிரமாதமாக இருக்கும்.எப்படி எல்லாக்காயும் சேர்த்து சாம்பார் செய்தால் ருசிக்குமோ அது போல் தான்.

 
மீன் வெந்து வரும் பொழுது அரைத்த தேங்காய் விட்டு தேவைக்கு தண்ணீர் சேர்த்து உப்பு சரிபார்த்து சிம்மில் வைத்து கொதிக்க விடவும்.
எண்ணெய் மேலே மிதக்க ஆரம்பிக்கும் அடுப்பை அணைக்கவும்.
சூடான சாதத்துடன் பரிமாறவும்.இந்த முறையில் செய்தால் மீன் குழம்பு செமையாக இருக்கும்.தேங்காய் விரும்பினால் மட்டும் சேர்க்கவும்.
சுவையான கலவை மீன் குழம்பு ரெடி.
விதம் விதமான எழுபதிற்கும் மேற்பட்ட மீன் குறிப்புகளுக்கு சைட்  பாரில் இருக்கும் மீன் தலைப்பை கிளிக்கிப் பார்க்கவும்.

Monday, September 28, 2015

அரைக்கீரை கடைசல் / Araikeerai / Amaranthus kadaisal



 தேவையான பொருட்கள்;
வேக வைக்க:
அரைக்கீரை - 1 கட்டு
சின்ன வெங்காயம் - 10
பூண்டு - 6 பற்கள்
தக்காளி - 1
கீரிய பச்சை மிளகாய் -2-  3
பெருங்காயம் - சிறிது
சீரகம் - 1 டீஸ்பூன்
மற்றும் தேவைக்கு உப்பு.
விரும்பினால் சிறிது புளி சேர்க்கலாம்.

தாளிக்க :
நல்ல எண்ணெய் - 1 டேபிள்ஸ்பூன்
கடுகு,உளுத்தம் பருப்பு - 1டீஸ்பூன்
கிள்ளிய மிளகாய் வற்றல் - 2


 அரைக்கீரையை ஆய்ந்து நன்கு மண் போக அலசி தண்ணீர் வடித்துக் கொள்ளவும்.

கீரையை வேக வைக்க அரிசி கழனி ஒரு கப் சேர்க்கலாம்.
 மேற் சொன்ன பொருட்களை சேர்த்து வேக வைக்கவும்.



 வெந்த பின்பு ஆற விட்டு சுவைக்கு உப்பு ,புளி சேர்த்து மத்தால் கடையலாம்.அல்லது மிக்ஸியில் ப்லெண்ட் செய்து எடுக்கலாம்.


தாளித்து கொட்டவும்.

சுவையான சத்தான அரைக்கீரை கடைசல் ரெடி.
இப்படி தனியாக கடைய பிடிக்காதவர்கள் சிறிது வேக வைத்த பாசிப்பருப்பு சேர்த்து கடையலாம்.



Friday, September 18, 2015

சிறப்பு விருந்தினர் பகிர்வு 27- திருமதி ஃபரின் அஹமது - மைக்ரோவேவ் பேசன் லட்டு / Guest Post /Microwave Besan Ladoo

இந்த வார சிறப்பு விருந்தினர் திருமதி.ஃபரின் அஹமது. வித்தியாசமான சிந்தனையுள்ளவர்.எனக்கு பிடித்த சமையல் வலைப்பூ கலைஞர். இவர் ஒரு சமயம் பிற்காலத்தில் சினிமாவிற்கு வசனகர்த்தாவாகலாம்.திறமை மிக்க படைப்பாளி.
வலைப்பூவை சென்று பாருங்கள்.வெளிவரவே மனசு வராது.அவ்வளவு தான்! நீங்களே சொல்வீங்க அப்புறம்.
அவருடைய ப்ரஃபைல் படமாக செல்லமகளின் புகைப்படத்தை அனுப்பியிருக்கிறார். நல்வாழ்த்துக்கள். 
சிறப்பு விருந்தினர் பகிர்வில் கலந்து கொள்ள சம்மதம் தெரிவித்து ஆசியாவின் சமைத்து அசத்தலாமை கௌரவப்படுத்தியமைக்கு மனமார்ந்த நன்றி.மகிழ்ச்சி.


நான் தான் பொதுவாக சிறப்பு விருந்தினர் பற்றி எழுதும் வழக்கம், ஆனால் இவரைப் பாருங்கள், என்னைப்பற்றி சிறப்பாக எழுதி அனுப்பியிருக்கிறார்.
About my sweet Asiya akka:

அமைதிக்கு பெயர் தான் ஆசியா என்று எல்லோருக்கும் தெரியும் . அப்படிப்பட்ட ஒரு experienced blogger என்னை guest post பண்ணுங்கனு சொல்லும்பொது  நான் அப்பிடியே shock ஆயிட்டேன் . எனக்கு கஜினி மாதிரி short -term memory loss அது தான் ரொம்பவே late ah அனுபிட்டேன். Sorry அக்கா for the delay .

​​
நான் முதல்முதலா தமிழ் வலைபூ  -nu follow பண்ணுனது நம்ம ஆசியா அக்கா வலைபூ  தான் . கிட்ட தட்ட 5 ஆண்டுகளாக அவுங்களோட மிக பெரிய Fan, Usha Fan-a விட பயங்கரமான ரசிகை. அவுங்க blog ல இல்லாத ரேசிபேயே இல்ல. அவ்வளவு Variety of recipes பார்க்கலாம். Especially Queen of Grilling-னு சொல்லலாம் .

அக்காவை பற்றி சொல்லனும்னா சொல்லிகொண்டே போகலாம் . ரொம்ப ரொம்ப மரியாதையா பேசுவாங்க . நீங்க வாங்க போங்கனு ஒரு மரியாதை கலந்த நட்பு. நாங்க தான் இப்போ NEW நண்பேண்டா.
என்ன மாதிரி recipe வேண்டும்னு கேட்கும் பொது அக்கா டக்-னு செய்ற மாதிரினு recipe அனுப்புங்க சொன்னாங்க , அக்கா இந்த டக் Okay va...

அந்த டக் recipe-ya டக் டக்னு சொல்லற அந்த அப்படக்கர் யாரு தெரியுமா ..நான் தான் உங்க டக்கரான Farin ...கொஞ்சம் என்னை பற்றி டக்னு ....

என்னைபற்றி சொல்லுற அளவுக்கு நான் அவ்வளோ பெரிய அப்பாடக்கர் இல்லை ...

ஏதோ கொஞ்ச வருஷமா வளர்ந்துகிட்டே இருக்கும் ஒரு டைரக்டர் .என்னோட ஓடுற படம், ஓடாத படம், மொக்க படம், காமெடி படம் என்று அணைத்து படத்தினை டக்னு என்னோட  இயக்கத்துல பார்க்கலாம்.

நான் இங்கிலாந்தில் வசிக்கும் இந்திய Queen (டக்னு சொல்லிராதீங்க அடிச்சுகூட கேட்பாங்க அப்பவும் சொல்லாதீங்க ). திருமணமாகி ஒரு Royal baby girl இருக்கா, சரியான சுட்டி . கணவன் நல்லவர் , வல்லவர் அவர் குடுத்த காசுக்கு இவ்வளவு தான் சொல்ல முடியும் . பெற்றோர் and சகோதரர்கள் இந்தியா + அமெரிக்காவில்  இருக்கீறார்கள்.

அவ்வளவு தான் என்னை பற்றி சொல்ல .. நான் யார் நான் யார் என்ற கேள்விக்கு பதில் இன்னும் தேடி கொண்டே இருகிறேன் . கண்டுபிடித்த உடன் டக்-நு சொல்லுறேன் ....

நம்ம இப்போ அந்த டக் recipe-ya பார்க்கலாமா......


Microwave Besan Ladoo:

Kadalai maavu- ¼ cup

Powder sugar -1/2 cup

Ghee- 3 tbsp + 1 tsp

Cardomom powder-1/4 tsp


Method:

In a microwave safe bowl, add 3 tbsp ghee follwed by the kadalai maavu. Mix it well and microwave for 2 mins.


Remove it and mix it again. Now add the powder sugar, cardamom powder mix it well

Mix it well, add the remaining 1 tsp of ghee in your hand and form ladoos.


இந்த டக் recipe உங்களுக்கு பிடிச்சுருகும்னு நினைகிறேன் ...Bye bye ...

எல்லாம் சரி தான். ஃபரின் நான் அமைதியா? அதெல்லாம் வலையுலகில்.வீட்டில் கேட்டால் சொல்வார்கள் என் அட்டகாசம் பற்றி.நல்லதொரு குவிக் ரெசிப்பி.விரைவில் செய்து பார்ப்பேன்.
மீண்டும் மிக்க மகிழ்ச்சி,மனமார்ந்த நன்றி ஃபரின் அஹமது.
சிறப்பு விருந்தினர் பகுதியில் கலந்து கொள்ள விபரத்திற்கு இங்கு கிளிக்கவும்.

என்றென்றும் அன்புடன்,
ஆசியா உமர்.