Friday, January 29, 2016

கோழி அவரைப் பொரியல் / Field beans poriyal

அவரைக்காயில் பல வகை இருக்கிறது. இன்று கோழி அவரைக்காயில் பொரியல் செய்திருக்கிறேன். பிடித்திருந்தால் நீங்களும் செய்து பாருங்க.

 தேவையான பொருட்கள்;
கோழி அவரை - 300 கிராம்
மஞ்சள் தூள் - கால் டீஸ்பூன்
நறுக்கிய வெங்காயம் - 1
தேங்காய்த்துருவல் - 3 டேபிள்ஸ்பூன்
வறுத்து பொடித்த வேர்க்கடலை 1 .1/2 - 2 டேபிள்ஸ்பூன்
உப்பு - தேவைக்கு.
தாளிக்க :
எண்ணெய் - 1 டேபிள்ஸ்பூன்
கடுகு,உளுத்தம் பருப்பு - அரை டீஸ்பூன்
கிள்ளிய காய்ந்த மிளகாய் வற்றல் -1 
கருவேப்பிலை - 1இணுக்கு.
இந்த பொரியலிற்கு வறுத்து பொடித்து சேர்க்க வேண்டிய பொருட்கள்;

சிறிய மிளகாய் வற்றல் - 3
சீரகம் ,சோம்பு - தலா கால் டீஸ்பூன்
முழு மல்லி - அரை- 1 டீஸ்பூன்
கருவேப்பிலை - 1 இணுக்கு.
விரும்பினால் இத்துடனும் வேர்க்கடலை சிறிது சேர்த்து வறுக்கலாம்.


செய்முறை:-


 கோழி அவரையை விளிம்பு ஒடித்து நார் எடுக்கவும்.பின்பு சிறியதாக நறுக்கிக் கொள்ளவும்.


 மேற் சொன்னவற்றை வறுத்து பொடி செய்து வைக்கவும்.


 கடாயில் எண்ணெய் விட்டு காய்ந்தவுடன் கடுகு,உளுத்தம் பருப்பு,வற்றல்,கருவேப்பிலை போட்டு வெடிக்க விடவும்.
 வெங்காயம் சேர்த்து வதக்கவும்.
 நறுக்கிய அவரைக்காய் சேர்க்கவும்.நன்கு பிரட்டவும்.
 தேவைக்கு மஞ்சள் தூள் கால் டீஸ்பூன் சேர்க்கவும்.
சிறிது  உப்பு சேர்க்கவும்.
 நன்கு பிரட்டவும்.
 பொடித்த மசால் சேர்க்கவும்.
 பிரட்டி தண்ணீர் தெளித்து மூடி வேக விடவும்.

 வெந்த பின்பு தேங்காய்த் துருவல் வேர்க்கடலை பொடித்தது சேர்க்கவும்.
 ஒரு சேர பிரட்டவும். சிறிது அடுப்பை சிம்மில் வைத்து அணைக்கவும்.உப்பு சரி பார்க்கவும்.

 சுவையான சத்தான கோழி அவரைப் பொரியல் ரெடி.
இதனை சாதம்,சப்பாத்திக்கு  பக்க உணவாகப் பரிமாறலாம்.

1 comment:

பரிவை சே.குமார் said...

ஆஹா... எனக்கு அவரைக்காய் ரொம்பப் பிடிக்கும்...
செய்து பார்க்கணும் அக்கா...