Monday, November 28, 2016

சிக்கன் பக்கோடா /Chicken Pakoda

 தேவையான பொருட்கள்;-
சிக்கன் போன்லெஸ் - அரைக்கிலோ (சிறியதாக கட் செய்தது)
( சிக்கனில் ஊற வைக்க 2 டீஸ்பூன் இஞ்சி பூண்டு பேஸ்ட் ஒரு டீஸ்பூன் மிளகாய்த்தூள், அரைடீஸ்பூன் மஞ்சள் தூள், கால் டீஸ்பூன் கரம் மசாலா தூள், ஒரு டேபிள்ஸ்பூன் எலுமிச்சை சாறு)
கடலை மாவு - 6 டேபிள்ஸ்பூன்
அரிசி மாவு - 3 டேபிள்ஸ்பூன்
சோம்புத்தூள் - 2 டீஸ்பூன்
நறுக்கிய பெரிய வெங்காயம் - 2
நறுக்கிய பச்சை மிளகாய் - 3
 நறுக்கிய மல்லியிலை, கருவேப்பிலை
உப்பு - தேவைக்கு
பொரிக்க எண்ணெய் - தேவைக்கு.

செய்முறை:-


 சிறிய துண்டுகளாக நறுக்கிய சிக்கன் துண்டுகளை நன்கு அலசி தண்ணீர் வடித்து எடுக்கவும்.
இத்துடன் 2 டீஸ்பூன் இஞ்சி பூண்டு பேஸ்ட் ஒரு டீஸ்பூன் மிளகாய்த்தூள், அரைடீஸ்பூன் மஞ்சள் தூள், கால் டீஸ்பூன் கரம் மசாலா தூள், ஒரு டேபிள்ஸ்பூன் எலுமிச்சை சாறு, சிறிது உப்பு சேர்த்து கலந்து ஊற வைக்கவும்.
 ஊறிய சிக்கனுடன் கடலை மாவு, அரிசி மாவு,பொடித்த சோம்பு, நறுக்கிய வெங்காயம்,மிளகாய், மல்லியிலை, கருவேப்பிலை, சிறிது சுவைக்கு உப்பும் சேர்த்து நன்கு விரவி வைக்கவும்.
 தேவைப்பட்டால் தண்ணீர் தெளித்து விரவலாம்.பக்கோடா போடும் பதத்தில் கலவை இருக்க வேண்டும்.
 ஒரு கடாயில் எண்ணெய் காய விட்டு சிறிது சிறிதாக எடுத்து போடவும்.
நன்கு பொன்னிறமாக ஒரு போல் பொரித்து எடுக்கவும்.
சுவையான சிக்கன் பக்கோடா தயார்.
ஸ்நாக்ஸ் ஆகவும் பரிமாறலாம் அல்லது பக்க உணவாகவோ ஸ்டார்டராகவோ செய்து அசத்தலாம்.

No comments: