Tuesday, December 27, 2016

கருவாட்டு கத்திரிக்காய் குழம்பு / Dried fish brinjal curry

தேவையான பொருட்கள்;-
கருவாடு - 100 கிராம்
கத்திரிக்காய் - 200 கிராம்
ஒரு முழு பூண்டு மீடியம் சைஸ்
உரித்த சின்ன வெங்காயம் - ஒரு கையளவு
கீரிய பச்சை மிளகாய் - 2
புளி - சிறிய எலுமிச்சை அளவு
தக்காளி விரும்பினால் - 1
உப்பு - தேவைக்கு.

தாளிக்க:-
நல்ல எண்ணெய் - 3 டேபிள்ஸ்பூன்
கடுகு,உளுத்தம் பருப்பு - தலா அரை டீஸ்பூன்
வெந்தயம் - கால் டீஸ்பூன்
கருவேப்பிலை - இரண்டு இணுக்கு.

மசாலா சேர்க்க வேண்டியது:-
மிளகாய்த்தூள் - 1 டீஸ்பூன்
மல்லித்தூள் - 2 டீஸ்பூன்
மஞ்சள் ,சீரகம், மிளகுத்தூள் - தலா அரை டீஸ்பூன்.

அரைக்க:-
தேங்காய்த் துருவியது - 3 டேபிள்ஸ்பூன்

செய்முறை:- 
தேவையானதை தயார் செய்து கொள்ளவும்.

முழுசாக போடும் பூண்டு பற்கள், சின்ன வெங்காயம் குழம்பில் போட்டு எடுத்துச் சாப்பிட அருமையாக இருக்கும்.
ஒரு மண் சட்டியில் எண்ணெய் விட்டு சூடு செய்யவும்.கடுகு,வெந்தயம்,உ.பருப்பு பொரிய விடவும்.
கருவேப்பிலை போட்டு வெடிக்கவும்,பச்சை மிளகாய் ,உரித்த சின்ன வெங்காயம்,உரித்த பூண்டு சேர்க்கவும். நன்கு வதக்கவும்.
நறுக்கிய கத்திரிக்காய் சேர்க்கவும்.சிறிது உப்பும் சேர்த்து மூடி போட்டு வதங்க விடவும்.
.விரும்பினால் தக்காளி சேர்க்கவும்,
கருவாட்டில்  உப்பு இருக்கும்.உப்பு அளவாய் சேர்க்கவும்.
கத்திரிக்காய் வதங்கியதும்,மசாலா பொருட்கள் குறிப்பிட்டபடி சேர்க்கவும். அல்லது தேவைக்கு உங்க விருப்பதிற்குச் சேர்க்கவும்.

மசாலா சேர்த்து பிரட்டவும்.
இரண்டு கப் தண்ணீரில் புளி கரைத்து வைக்கவும், கருவாட்டை தண்ணீரில் அலசி வைக்கவும்.

மசாலா வதங்கியதும் புளித்தண்ணீரை விடவும்.
நன்கு கொதித்து புளி வாடை,மசாலா வாடை அடங்கி வர வேண்டும்.
கருவாட்டைச் சேர்க்கவும். சீலாக் கருவாடு அல்லது விருப்பமான கிடைத்த கருவாட்டைச் சேர்க்கலாம். முள் இல்லாமல் துண்டாக இருந்தால் நல்லது.
எல்லாம் சேர்ந்து கொதிக்கட்டும்.
தேங்காய் அரைத்தது சேர்க்கவும்.
கொதித்தவுடன் அணைக்கவும். விரும்பினால் நறுக்கிய மல்லி இலை சேர்க்கவும்.
சுவையான கருவாட்டு கத்திரிக்காய்க் குழம்பு தயார்.
சூடான சாதத்துடன் பரிமாறவும்.

Sunday, December 18, 2016

முருங்கைக்காய் கூட்டு / Drumstick kootu


முருங்கைக்காய் என்றாலே ஊரில் எங்க வீட்டில் காய்க்கும் காய் தான் நினைவிற்கு வரும். இரண்டு அடிக்கும்  மேல் நீளம், சாட்டை  மாதிரி இருக்கும்.டேஸ்ட் செமை. இப்படி கூட்டு வைத்துச் சாப்பிட்டால் அதன் ருசியே தனி தான். வீட்டில் பொரியல், பருப்பு முருங்கைக்காய், மீன் முருங்கைக்காய், மட்டன் முருங்கைக்காய்னு செய்வாங்க. ஆனால் எனக்கென்னவோ இந்த கூட்டு தான் பிடிக்கும். முருங்கைக்காய் நிறைய கிடைக்கும் பொழுது இப்படி கூட்டு செய்து ஒரு ப்லேட் நிறைய  கூட சாப்பிடலாம்..
 தேவையான பொருட்கள் ;- 
முருங்கைக்காய் - 4
பெரிய  வெங்காயம் - 2
பூண்டு - 6-8 பல்
பெரிய  தக்காளி- 2
பச்சை மிளகாய் - 2
மஞ்சள் தூள் - 1/2 டீஸ்பூன், மிளகாய்த்தூள் - 1 டீஸ்பூன், சோம்பு, சீரகத்தூள் - தலா அரை டீஸ்பூன்.
தாளிக்க:-
எண்ணெய் - 2 டேபிள்ஸ்பூன்
கடுகு,உ.பருப்பு - தலா 1 டீஸ்பூன்
மல்லி,கருவேப்பிலை - சிறிது.
அரைக்க:- 
4 டேபிள்ஸ்பூன் தேங்காய்த் துருவல்.
கொர கொரப்பாக வெங்காயம் பூண்டு, தக்காளி.
செய்முறை:
முருங்கைக்காயை இரண்டு  அல்லது மூன்று இஞ்ச் அளவுக்கு துண்டாக நறுக்கிக் கொள்ளவும். நறுக்கும் பொழுதே உரித்தால் வரும் தோலை நீக்கிக் கொள்ளலாம்.
முதலில் வெங்காயம் பூண்டை கொர கொரப்பாக அரைத்து வைக்கவும்.
அடுத்து தக்காளியையும் இரண்டு சுற்று சுற்றி எடுக்கவும்.

முதலில் குக்கரில் எண்ணெய் விட்டு கடுகு,உ.பருப்பு ,கருவேப்பிலை போட்டு பொரிய விடவும். அடுத்து அரைத்த வெங்காயம் பூண்டு போட்டு நன்றாக வதக்கவும்..
அடுத்து தக்காளி சேர்த்து ,கீரிய பச்சை மிளகாய் சேர்த்து சிறிது உப்பும் சேர்த்து மூடி போட்டு சிறிது வதங்க விடவும்.

மேற் சொன்ன மசாலா பொருட்கள் சேர்க்கவும். நன்கு பிரட்டி வதக்கவும்.


முருங்கைக்காய் சேர்க்கவும்.
பிரட்டி விடவும்.
சிறிது தண்ணீர் சேர்த்து உப்பும் சேர்த்து கொதிக்க விடவும்.
கொர கொரப்பாக அரைத்த தேங்காய் சேர்க்கவும்.
குக்கரை மூடி ஒரு விசில் விடவும்.ஒரே விசில் தான் பக்குவமாக வெந்து விடும். அடுப்பை அணைக்கவும்.
திறந்தால் பக்குவமாக வெந்திருக்கும்.
சுவையான முருங்கைக்காய் கூட்டு தயார்.
எடுத்து பக்க உணவாகப் பரிமாறலாம்.
சீசன் சமயம் வாரம் ஒரு முறை இப்படி கூட்டு வைத்துச் சாப்பிடலாம். செமையாக இருக்கும்.

Monday, December 12, 2016

ஓரியோ சீஸ் கேக் பைட்ஸ் / Oreo cheese cake bites


தேவையான பொருட்கள்;-
ஓரியோ பிஸ்கட்ஸ் - 18-  24 (தேவைக்கு)
வெண்ணெய் - 3 டேபிள்ஸ்பூன்.
கிரீம்  சீஸ் - 400 - 500 கிராம்
பால் - அரை கப்
ஜெலடின் - 1 டீஸ்பூன்
வெனிலா எசன்ஸ் - 1டீஸ்பூன்
சீனி (கேஸ்டர் சுகர்) - கால் கப்


செய்முறை:-
கீரீம் சீஸ், ஓரியோ பிஸ்கட்  இந்த இரண்டும்  தான் முக்கியம் இந்த ரெசிபிக்கு.

 முதலில் ஓரியோ பிஸ்கட்டை எடுத்து ட்விஸ்ட் செய்யவும். அதனை ஈசியாக பிரிக்கலாம்.பின்பு கத்தி வைத்து வழித்து எடுத்தால் கிரீம் தனியாக வந்து விடும். கிரீம் வேறு பிஸ்கட் வேறு தனித்தனியாக வைக்கவும்.
 எடுத்து வைத்த பிஸ்கட்டை கொரகொரப்பாக பொடித்துக் கொள்ளவும். மிக்ஸி ஜாரில் போட்டு இரண்டு சுற்று சுற்றினால் கூட ஈசியாக பொடித்து விடலாம். அத்துடன் உருக்கிய பட்டர் சேர்த்து ஒரு பவுலில் கலந்து வைக்கவும்.
அரைகப் வெது வெதுப்பான பாலில் ஜெலடினை நன்கு கரைத்து வைக்கவும்.
 ஒரு பாத்திரத்தை அடுப்பைல் வைத்து சீஸ், சீனி,வெனிலா எசன்ஸ்,பிஸ்கட்டில் இருந்து பிரித்து எடுத்த கிரீம், ஜெலட்டின் கலந்த பால் கலந்து வைக்கவும்.
எல்லாம் சேர்ந்து ஒரு கொதி வரும் பொழுது அடுப்பை அணைக்கவும்.
 இதற்கிடையில் பேப்பர் கப்பில் பொடித்த ஓரியோ பிஸ்கட்டை அரை கப் போட்டு நன்கு அமுக்கி செட் செய்து எத்தனை கப் வருமோ அத்த்னை கப் தயார் செய்து வைக்கவும். எனக்கு இருபது கப் வந்தது.சிறிது பிஸ்கட் பொடித்ததை தனியே மேலே தூவ எடுத்து வைக்கவும்.
 பிஸ்கட் பொடி மீது தயார் செய்த சீஸ் மிக்ஸ் மேலே விடவும்.
அதன் சிறிது பிஸ்கட் பொடித்தது தூவவும்.
 அதனை கப் கேக் மோல்டில் வைத்து ஃப்ரீசரில் வைத்து இரண்டு மணி நேரம் செட் செய்யவும்.
பின்பு எடுத்துப் பரிமாறவும். இது புட்டிங் போல் இருக்கும். பேக் செய்ய வேண்டாம்.
பார்ட்டி சமயம் இதுவும் ஒரு இனிப்பாகப்  பரிமாறலாம்.
இந்த சீஸ் அயிட்டம் வைத்து செய்யும் ரெசிப்பி எல்லாம் என் மகளின் கைவண்ணத்தில் உருவாகுபவை. நான் சும்மா வேடிக்கை பார்ப்பதோடு சரி.
யம்மி ஓரியோ சீஸ் கேக் பைட்ஸ் தயார்.

நீங்களும் பிடித்திருந்தால் செய்து பார்க்கலாம். மகள் விடுமுறையில் வந்த பொழுது முயற்சி செய்தவை.

Thursday, December 8, 2016

கார்லிக் சீஸ் சிக்கனும் மசித்த உருளைக்கிழங்கும் / Garlic cheese chicken & Mashed potatoes (Air fried)

 தேவையான பொருட்கள்;-
சிக்கன் - 2 சிக்கனின் நெஞ்சுப்பகுதி - நீள் வாக்கில் கட் செய்து கொள்ளவும்.(அரைக்கிலோ)
பட்டர் - அரை கப்
பொடியாக நறுக்கிய பூண்டு பற்கள் - 6
ப்ரெட் கிரம்ஸ் - ஒரு கப்
செடார் சீஸ் ,மொசரல்லா அல்லது பார்மேசான் சீஸ் - தலா அரை கப்
உப்பு,பொடித்த மிளகு தேவைக்கு.
ஃப்ரெஷ் ஹெர்ப்ஸ் அல்லது ட்ரைட் ஹெர்ப்ஸ் - 1 -2 டேபிள்ஸ்பூன்

செய்முறை:-
சிக்கன் நெஞ்சுப்பகுதியை நீள் வாக்கில் கட் செய்து கொள்ளவும். நன்கு அலசி தண்ணீர் வடித்து வைக்கவும்.

 செடார் சீஸ்,  துருவிக் கொள்ளவும்.மொசரல்லா சீஸ் துருவியதே இருந்தது.

 ப்ரெட் கிரம்ஸ், உப்பு ,மிளகுத்தூள், பொடியாக நறுக்கிய ஃப்ரெஷ் ஒரிகானோ, ரோஸ்மேரி, பேசில்(துளசி) அல்லது பார்ஸ்லி மூன்றையும்  பொடியாக நறுக்கியோ. அல்லது மிக்ஸ்ட் ட்ரைட் ஹெர்ப்ஸ் இருந்தாலும் சேர்க்கவும். கலந்து கொள்ளவும்.


ஒரு சாஸ் பேனில் பட்டர் பொடியாக நறுக்கிய பூண்டு  போட்டு சிம்மில் வைத்து உருக வைக்கவும்.
 உருகிய பட்டர் ஆறியவுடன் சிக்கன் துண்டுகளை டிப் செய்து சீஸ் மிக்ஸில் பிரட்டி தனியே எடுத்து வைக்கவும்.
 இதனை ஏர் ஃப்ரை செய்தும் எடுக்கலாம் அல்லது எலெக்ட்ரிக் ஓவனில் பேக் செய்தும் எடுக்கலாம்.
 எனக்கு ஏர் ஃப்ரை ஈசியாக இருந்ததால் அதிலே ஃப்ரை செய்து எடுத்து விட்டேன்.
 220 டிகிரியில்  3 நிமிடம் முற்சூடு செய்யவும். ட்ரேயில் சிக்கனை வைத்து மூடவும். 10 நிமிடம் முதலில் செட் செய்யவும்.
 10 நிமிடம் கழித்து சிக்கன் துண்டுகளை திருப்பி வைக்கவும்.
 மீண்டும் ஐந்து நிமிடம் வைத்து கவனமாக எடுக்கவும்.
 ஏர் ஃப்ரைட் கார்லிக் சீஸ் சிக்கன்  தயார்.
 மசித்த உருளைக்கிழங்குடன் பரிமாறவும்.
மசித்த உருளை செய்ய:-
முதலில் முன்னூறு அல்லது நானூறு கிராம் உருளையை தோல் எடுத்து நறுக்கி வேக வைக்கவும்.
 அதனை நன்கு மசிக்கவும்.

இதற்கிடையில் 2 டீஸ்பூன் பட்டர் விட்டு ஃப்ரெஷ் கிரீம் ஒரு டேபிள்ஸ்பூன் சேர்த்து, பால் 50மில்லி சேர்த்து ஒரு பேனில் கொதிக்க வைக்கவும்.

 பால் ஆறியவுடன் மசித்த உருளையில் சேர்க்கவும்.உப்பு ,பொடித்த மிளகு சேர்க்கவும்.
நன்கு மசித்துப் பரிமாறவும்.
இனி எலக்ட்ரிக் ஓவனில் எப்படி பேக் செய்து எடுப்பது என்று பார்ப்போம்.
மேற்சொன்னபடி   தயார் செய்த சிக்கன் துண்டுகளை அதே போல் 220 டிகிரி செட் செய்து மேலும் கீழும் ப்லேம் வைத்து 15 -20  நிமிடம் பேக் செய்து எடுக்கவும்.

சுவையான கார்லிக் சீஸ் சிக்கன் தயார்.
சும்மாவே சாப்பிடலாம். ரொம்ப ரிச்சாக இருக்கும். சீஸ் விரும்பிகளுக்கு மிகவும் பிடிக்கும். ஆரோக்கியமானதும் கூட. பிடித்திருந்தால் செய்து பாருங்க.
மகள் விடுமுறையில் வந்த பொழுது முயற்சி செய்த ரெசிப்பி. செமையாக இருந்தது.