Sunday, April 23, 2017

ட்ரிஃபில் புட்டிங் / Trifle Pudding


தேவையான பொருட்கள்;-
வெனிலா ஸ்பாஞ்ச் கேக் ( முதல் லேயர்)
மிக்ஸ்ட் ஃப்ரூட்ஸ்
ஜெல்லி
கஸ்டர்ட்
விரும்பினால் நட்ஸ் விப்பிங் கிரீம் ( மேல் அடுக்கு).
செய்முறை:-


முதலில் அரை லிட்டர் பாலை காய்ச்சவும். அத்துடன்  வெனிலா ஃப்லேவர் கஸ்டர்ட் பவுடர் 2 டேபிள்ஸ்பூன் சிறிது பாலில் கலந்து மிக்ஸ் செய்யவும். சீனி 4 டேபிள்ஸ்பூன் சேர்க்கவும். நன்கு மிக்ஸ் செய்யவும்.அடுப்பை அணைக்கவும்.


அடுத்து ஏதாவது ஒரு ஃப்லேவர் ஜெல்லி ரெடிமேட் வாங்கி பேக்கில் சொன்ன படி காய்ச்சி  ஆற வைத்து செட் ஆனதும் துண்டு போட்டு வைக்கவும்.
ஒரு கண்ணாடி பவுலில் முதலில் கேக் துண்டுகளாகவோ கட் செய்தோ வைக்கவும்.
அடுத்து ஜெல்லி வைக்கவும், ஃப்ரூட்ஸ் போடவும், பின்பு காய்ச்சி ஆறிய கஸ்டர்ட் சேர்க்கவும்.

செட் ஆக ஃப்ரிட்ஜில் குறைந்தது ஒரு மணி நேரம் வைக்கவும்.
செட் ஆனவுடன் பரிமாறவும்.
தனித்தனியாக பவுலில் எடுத்து பரிமாற வேண்டும்.
சுவையான ட்ரிஃபில் புட்டிங் ரெடி. விரும்பினால் விப்பிங் கிரீம் ஒரு லேயர் வைத்து மேலே ரோஸ்ட்டட்  நட்ஸ் தூவி அலங்கரித்துப் பரிமாறலாம்.




Wednesday, April 19, 2017

கிரீன் / பிரியாணி ஆம்லெட் / Green / Briyani omlette

 ஒரு சில நேரம் டிஃபன் செய்ய சோம்பல் வரும் பொழுது ஈசியாக முட்டை ஆம்லெட் செய்து சாப்பிடுவதுண்டு.சிறிய சிறிய மாற்றத்துடன் செய்வேன்.
முட்டை ஆம்லட் தானேன்னு கிளிக் செய்வதில்லை.முட்டை பொரிக்கிற கலத்தில் ஆம்லட் கலவையை ஊற்றும் பொழுது தான் திடீர்னு நினைவு வந்து கிளிக் செய்தேன்.
தேவையான பொருட்கள்:-
பெரிய முட்டை - 2 அல்லது 4
எண்ணெய் அல்லது நெய் - 1 டேபிள்ஸ்பூன்
பச்சை மிளகாய் - 1
மல்லி,புதினா, கருவேப்பிலை - சிறிது
வெங்காயம் - சிறியது 1
( பச்சை மிளகாய்,மல்லி,புதினா,கருவேப்பிலை,வெங்காயம் சேர்த்து பரபரவென  மிக்ஸியில் அரைத்துக் கொள்ளவும்)
இஞ்சி பூண்டு பேஸ்ட் - கால் டீஸ்பூன்
கரம் மசாலா விரும்பினால் ( பின்ச்)
சீரகத்தூள் - கால் டீஸ்பூன்
மிளகுத்தூள் - அரைடீஸ்பூன்
விரும்பினால் பொடியாக தக்காளி நறுக்கி சேர்க்கலாம்.(நான் இதில் சேர்க்கவில்லை ..அது தனியாக தக்காளி ஆம்லெட் செய்து சாப்பிடலாம்)
உப்பு தேவைக்கு.
செய்முறை:-
 முட்டையுடன் அரைத்த கலவை, உப்பு,மிளகு, சீரகம், இஞ்சி பூண்டு பேஸ்ட், கரம் மசாலா(விரும்பினால்) சேர்த்து கலந்து அடித்து வைக்கவும்.
 முட்டை பொரிக்கிற கலம் சூடானவுடன் நெய் விடவும்.கலம் முழுவதும்
கலவையை பரவலாக விடவும்.

 திருப்பி போடவும். இரு புறமும் திருப்பி  வெந்தவுடன் எடுக்கவும்.
 அப்படியே சூடாக தட்டில் எடுத்து பரிமாறவும்.
இதனை பிரியாணி ஆம்லெட் என்று கூட சொல்லலாம்.
பச்சையாக இருப்பதால் கிரீன் ஆம்லெட் என்றேன்.

Thursday, April 13, 2017

பராசப்பம் / Parasappam

பராசப்பத்தை ஒவ்வொரு ஊரிலும் ஒவ்வொரு விதமாகச் செய்வார்கள். இது எங்க ஊரு ஸ்பெஷல்.



தேவையான பொருட்கள்:-
மாவு தயாரிக்க:-
புழுங்கல் அரிசி - ஒரு கப்
பச்சை அரிசி - ஒரு கப்
உளுந்து - அரை கப்
கடலை பருப்பு - கால் கப்
வெந்தயம் - 1 டீஸ்பூன்
துருவிய தேங்காய் - பாதி காய்.  

முதலில் அரிசி,உளுந்து வெந்தயம்,கடலை பருப்பு சேர்த்து ஊற வைக்கவும். தேங்காய் துருவி வைத்துக் கொள்ளவும்.
நன்கு சுமார் 4 மணி நேரம் ஊறிய பின்பு முதலில் ஊறிய வற்றை சேர்த்து அரைக்கவும்.அத்துடன் தேங்காய் சேர்த்து அரைத்து  எடுத்து மூடி வைக்கவும். எட்டு மணி நேரம் இருக்க வேண்டும்.

 மாவுடன் சேர்க்க மறுநாள் ;-
முட்டை  1 அல்லது 2
ரவை - ஊறவிட்டது - 3 டேபிள்ஸ்பூன்
உப்பு - தேவைக்கு.

தயார் ஆன அரைத்த மாவுடன் முட்டை,ரவையைச் சேர்த்து  கலக்கவும்.


இனி கொத்துக்கறி மசாலா தயார் செய்ய வேண்டும்.
மட்டன் அல்லது சிக்கன் கொத்தியது - 200 கிராம்  எடுத்துக் கொள்ளலாம்,
ஒரு குக்கரில் 2 டேபிள்ஸ்பூன் எண்ணெய் விடவும்.
கால் கிலோ பொடியாக நறுக்கிய வெங்காயம்  சேர்த்து வதக்கவும். 2 டீஸ்பூன் இஞ்சி பூண்டு பேஸ்ட்  சேர்க்கவும், கரம் மசாலா அரைடீஸ்பூன் சேர்க்கவும். நன்கு வதக்கவும்.பொடியாக நறுக்கிய 2 பச்சை மிளகாய், ஒரு தக்காளி  சேர்க்கவும்  நறுக்கிய மல்லி, புதினா இலை சேர்க்கவும். கொத்துக்கறி சேர்க்கவும்.  ஊர் மசாலா 1 டேபிள்ஸ்பூன் சேர்த்து நன்கு வதக்கிய பின்பு மூடி, தேவைப்பட்டால் சிறிது தண்ணீர் சேர்த்து  2  -3 விசில் விட்டு அடுப்பை அணைத்து விடவும்.
ஆறிய பின்பு  நாம் முட்டை ,ரவை கலந்த ஆட்டிய மாவில் தயார் செய்த கொத்துக்கறி மசாலாவைக் கொட்டவும்.
நன்கு ஒரு சேரக் கலந்து தோசை மாவு பதத்தில் வருமாறு தயார் செய்யவும்,உப்பு சரிபார்க்கவும். நல்ல மணமாக இருக்கும்.

இனி எண்ணெய் நெய் கலந்து ஒரு கிண்ணத்தில் வைத்துக் கொள்ளவும்.

தோசைச் கலத்தில்  மாவை விட்டு வட்டமாக மெல்லிய அல்லது கனத்த பராசப்பமாகச் சுட்டு எண்ணெய் நெய் மேலே லேசாக விட்டு சிவற பராசப்பத்தைச் சுட்டு அடுக்கவும்.
சுவையான பராசப்பம் தயார்.

இது கறி சால்னாவுடன் பரிமாற சூப்பராக இருக்கும். 








Friday, March 24, 2017

ஈசி வெஜ் சூப் / Easy Veg Soup

தேவையான பொருட்கள்:-
கேரட்,கோஸ்,ப்ரோக்கலி, மஷ்ரூம்  எல்லாம் சேர்ந்து- கால் கிலோ,
பட்டர் - 1 டேபிள்ஸ்பூன் ( சிறிய கியூப்)
நறுக்கிய பெரிய வெங்காயம் - 1
நறுக்கிய பூண்டு பற்கள் - 5
லைட் சோயா சாஸ் - 2 டீஸ்பூன்
வினிகர் - 1 டீஸ்பூன்
உப்பு, மிளகுத்தூள் - தேவைக்கு.
செய்முறை:-

வாணலியில் பட்டர் போட்டு உருகவும் நறுக்கிய வெங்காயம் பூண்டு போட்டு வதக்கவும்.
காய்கறிகள் சேர்க்கவும்.
வதக்கி 4 கப் தண்ணீர் விடவும்.
காய்கறிகள் வெந்து வரும் போது சோயா சாஸ், வினிகர் சேர்க்கவும்.
அடுப்பை அணைக்கும் சமயம் மிளகுத்தூள் ,உப்பு தேவைக்கு சேர்க்கவும்.
சுவையான சத்தான வெஜ் சூப் தயார். 
ரா வீகன் ட்யட் இருக்கும் பொழுது  இரவு மட்டும் வேக வைத்த உணவு சாப்பிடலாம். ஒரு நாள் சூப், ஒரு நாள் சுண்டல் என்று சாப்பிட மெனு சொன்ன பொழுது செய்த சூப்.இன்று தான் பகிர நேரம் கிடைத்தது.
இதை இப்படியே சாப்பிட்டால் நல்ல ஃபில்லிங்காக இருக்கும்.
கிளியர் சூப்பாக வேண்டுமானால் வடிகட்டி குடிக்கலாம்.

Thursday, March 23, 2017

மலபார் செம்மீன் பிரியாணி / Malabar Prawn Briyani



தேவையான பொருட்கள்;
சீரக சம்பா அல்லது பாசுமதி அரிசி - அரைக்கிலோ
இறால் உறித்தது  - 500 கிராம்
வெங்காயம் - 4 மீடியம் சைஸ்(200 கிராம்) 
தக்காளி - 2 (100 கிராம்)
நறுக்கிய மல்லி,புதினா - தலா அரை கப்
ப்ரெஷ் கெட்டி தயிர் - அரை கப் 
எலுமிச்சை ஜூஸ் - ஒரு பழம் ( மீடியம் சைஸ்)
இஞ்சி பூண்டு  பேஸ்ட் - 2 டேபிள்ஸ்பூன்
பச்சை மிளகாய் - 4
கரம் மசாலா - 1 டீஸ்பூன்
ஏலம்,பட்டை, கிராம்பு - தலா இரண்டு
பிரியாணி இலை - 1
காஷ்மீரி சில்லி பவுடர் - அரைடீஸ்பூன் (காரம் அவரவர் விருப்பம்)
மிளகுத்தூள் - அரை டீஸ்பூன்
மல்லித்தூள் - 1 டீஸ்பூன்
மஞ்சள் தூள் - கால் டீஸ்பூன்
எண்ணெய் - 4 + 2  டேபிள்ஸ்பூன்
நெய் - 2 டேபிள்ஸ்பூன்
பைனாப்பிள் எசன்ஸ் - விரும்பினால் - 1 டீஸ்பூன் ( நான் சேர்க்கவில்லை)
உப்பு - தேவைக்கு.
அலங்கரிக்க:
பெரிய வெங்காயம் சிவற வறுக்க - 1 
முந்திரி - 10 -15
கிஸ்மிஸ் - 15.

செய்முறை:-
முதலில் சுத்தம் செய்த இறாலை 1/2  டீஸ்பூன் மிளகாய்த்தூள் ,கால் டீஸ்பூன் மஞ்சள் தூள், 1 டீஸ்பூன் இஞ்சி பூண்டு பேஸ்ட் சுவைக்கு உப்பு, சிறிது எலுமிச்சை ஜூஸ் சேர்த்து கலந்து  வைக்கவும். 
தேவையான பொருட்களை நறுக்கி தயார் செய்து வைக்கவும்.

ஒரு கடாயில் 2 -3  டேபிள்ஸ்பூன் எண்ணெய் விட்டு முந்திரி கிஸ்மிஸ் பக்குவமாக வறுத்து எடுக்கவும்.அதே எண்ணெயில் சிம்மில் வைத்து வெங்காயம் பொன்னிறமாக வறுத்து எண்ணெய் வடித்து தனியாக வைக்கவும்.

முந்திரி கிஸ்மிஸ் வெங்காயம் வறுத்த எண்ணெயில் இறாலை ரோஸ்ட் செய்து எடுக்கவும்.

இனி பிரியாணி ரைஸ் செய்ய:
2 டேபிள்ஸ்பூன் நெய் அடிகனமான பாத்திரத்தில் விடவும், ஏலம்,பட்டை கிராம்பு,பிரியாணி இலை போட்டு சிம்மில் வைத்து வெடிக்க விட்டு ஊறிய அரிசியை சேர்த்து மெதுவாக வதக்கவும்.அரிசியின் அளவிற்கு ஒன்றுக்கு ஒன்னரை அளவு கொதி நீரை விடவும் .தேவைக்கு உப்பு சேர்க்கவும்.
அடுப்பை சிம்மில் வைத்து மூடவும். தண்ணீர் வற்றி ரைஸ் பொல பொல வென்று வரும். அடுப்பை அணைக்கவும். ரைஸ் முக்கால் பதம் தான் வெந்திருக்கும்.
இனி பிரியாணிக்கு கிரேவி செய்ய:-
பிரியாணிக்கு கிரேவி செய்ய அடிகனமான பாத்திரம் எடுத்துக் கொள்ளவும்.
4 டேபிள்ஸ்பூன் எண்ணெய் விட்டு காய்ந்து வரவும் .
நறுக்கிய வெங்காயம் சேர்த்து வதக்கவும்.நன்கு பொன்னிறமாக வரவேண்டும்.இஞ்சி பூண்டு பேஸ்ட்  சேர்த்து வதக்கவும். நறுக்கிய தக்காளி, மல்லி, புதினா சேர்க்கவும்.சிறிது உப்பு சேர்த்து வதங்க விடவும்.தக்காளி நன்கு மசிந்து வர வேண்டும்.
.மிளகாய்த்தூள், மல்லித்தூள்,மிளகுத்தூள், மஞ்சள் தூள், கரம் மசாலா சேர்க்கவும்.பிரட்டி விடவும். தயிர் எலுமிச்சை ஜூஸ் சேர்க்கவும்.தண்ணீர் சேர்க்கக் கூடாது.நன்கு பிரட்டி விட்டு அடுப்பை சிம்மில் வைக்கவும்.ரோஸ்ட் செய்த இறாலைச் சேர்க்கவும்  கிரேவியில் உப்பு சரிபார்க்கவும். சிறிது எலுமிச்சை பிழிந்து விடவும்.

இனி பிரியாணிக்கு தம் செய்ய வேண்டும்.
இறால் ரெடி செய்ததில் பாதி கிரேவியோடு தனியாக எடுத்து வைக்கவும்.
மீதியுள்ள கிரேவி மீது ரெடி செய்த கீ ரைஸ் பாதி சேர்க்கவும்.விரும்பினால் அரை டீஸ்பூன் பைனாப்பிள்  எசன்ஸ் சேர்க்கவும்.அதன் மீது பாதி எடுத்து வைத்த இறால் கிரேவி சேர்க்கவும்.மீண்டும் ரைஸ் சேர்க்கவும்.வறுத்து வைத்த வெங்காயம்,முந்திரி திராட்சை சேர்க்கவும். எசன்ஸை பரவலாக விடவும். அலுமினியம் ஃபாயில் அல்லது மெல்லிய துணி கொண்டு மூடவும். தம் செய்ய ஒரு பழைய தோசைக்கலம் அல்லது தவாவை வைக்கவும். மேலே ரெடி செய்த பிரியாணி  பாத்திரத்தை வைத்து 20 நிமிடம் மிகச் சிறிய தீயில் தம் செய்யவும்.அடுப்பை அணைக்கவும்.10 நிமிடம் கழித்து திறக்கவும்.
கலந்து பரிமாறவும்.

சுவையான மலபார் செம்மீன் பிரியாணி தயார். ரைத்தா, பப்படம், சம்மந்தி, ஃபிஷ் ஃப்ரையுடன் பரிமாறலாம்.

Monday, March 20, 2017

காயல் மஞ்சச் சோறு ( கிச்சடி) / Kayal Yellow Rice

இது காயல் மக்களின் பாரம்பரிய உணவுகளில் ஒன்றாகும்.
தேவையான பொருட்கள்:-
அரிசி - ஒரு கப் 
பாசிப் பருப்பு / சிறுபருப்பு - கால் கப்
எண்ணெய் - 3 டேபிள்ஸ்பூன்
நெய் - ஒரு டீஸ்பூன்
ரம்பை இலை - சிறிது 
ஏலம், பட்டை,கிராம்பு - தலா 2
வெங்காயம் - 1 (விரும்பினால்)
இஞ்சி பூண்டு விழுது - 2 டீஸ்பூன்
தயிறு - 2 டேபிள்ஸ்பூன்
தேங்காய்பால் - அரை கப்
மஞ்சள் தூள் - கால் டீஸ்பூன்
உப்பு - தேவைக்கு.
 செய்முறை:-
அரிசி ,பாசிப்பருப்பை ஊற வைக்கவும்.விரும்பினால்  பாசி பருப்பை லேசாக மணம் வரும் படி வறுத்துக் கொள்ளலாம்.  தேங்காய்ப்பால் எடுத்து  வைக்கவும்.


 வாணலியில் எண்ணெய் விட்டு ஏலம்,பட்டை கிராம்பு, ரம்பையிலை வெங்காயம்,இஞ்சி பூண்டு சேர்த்து வதக்கவும்,
 தயிர் சேர்க்கவும்.

 வதக்கி விடவும்.அளவுத்தண்ணீர், தேங்காய்ப்பால் சேர்க்கவும். மொத்தம் மூன்று கப் தண்ணீர் சேர்க்கவும்.
 மஞ்சள் தூள் சேர்க்கவும்.
 கிதிவரவும் அரிசி பருப்பு சேர்க்கவும்.
 உப்பு சேர்த்து மூடி போட்டு வேக விடவும்.


 புழுங்கி வரும் பொழுது அடுப்பை மிக சிறியதாக குறைத்து நெய் சேர்த்து தம் செய்யவும்.
 சுவையான காயல் மஞ்சச் சோறு தயார்.

 முட்டைக் கறி, மாசி சம்பல் உடன் பரிமாறவும்.இதனை காலை,மதியம், இரவு மூன்று வேளைகளுக்கும் ஏற்ற உணவு. விரும்பிய நேரம் செய்து சாப்பிடலாம்.இது காயல் மக்களின் பாரம்பரிய உணவு.

Wednesday, March 15, 2017

அரிசி பருப்பு சாதம்/ Arisi paruppu sadham (கொங்கு ஸ்பெஷல்)


 தேவையான பொருட்கள்;-
அரிசி - ஒரு கப்
துவரம் பருப்பு அல்லது பாசி பருப்பு - அரை கப்
நல்ல எண்ணெய் - 3 டேபிள்ஸ்பூன்
கடுகு -1 டீஸ்பூன்
சின்ன வெங்காயம்  - 15 எண்ணம்
தக்காளி - 1
பூண்டுபற்கள் - 6
பச்சை மிளகாய் - 2
மஞ்சள் தூள் - 1/2 டீஸ்பூன்
விரும்பினால் மிளகு சீரகம் பொடித்தது - தலா ஒரு டீஸ்பூன்
அல்லது மிளகாய்த்தூள் - அரை டீஸ்பூன்
( நான் மிளகு சீரகம் பொடித்து போட்டேன் )
கருவேப்பிலை - 2 இணுக்கு
உப்பு - தேவைக்கு.
 செய்முறை:-
அரிசி பருப்பு  அலசி அரைமணி நேரம் ஊற வைக்கவும்.
 குக்கரில் நல்ல எண்ணெய் விடவும். சூடானவுடன் கடுகு கருவேப்பிலை தாளிக்கவும்.
 சின்ன வெங்காயம், பூண்டு, பச்சை மிளகாய்,தக்காளி சேர்த்து வதக்கவும்.
 மஞ்சள் தூள் சேர்க்கவும்.மிளகு சீரகம் சேர்க்கவும். நான் மிளகாய்த்தூள் சேர்க்கவில்லை. நீங்கள் எது விருப்பமோ அது மட்டும் சேர்க்கவும்.
 உப்பும் சேர்த்து நன்கு வதக்கவும்.
 அரிசிக்கு இரண்டு அளவு தன்ணீரும் பருப்பிற்கு இரண்டு அளவு தன்ணீரும் வைக்கவும். மொத்தம் மூன்று கப் தண்ணீர் வைக்கலாம்.
 கொதி வரும் பொழுது ஊறிய அரிசி , பருப்பு சேர்க்கவும்.
 முதல் விசில் வரவும் நெருப்பைக் குறைத்து 7-10 நிமிடம் வைத்து அடுப்பை அணைக்கவும்.
 பாத்திரத்தில் செய்வதாய் இருந்தால் அடியில் பிடிக்காமல் இடையே பிரட்டி விட வேண்டும்.

 ஆவியடங்கியவுடன் திறக்கவும். சூடாகப் பரிமாறவும்.
சுவையான சத்தான அரிசி பருப்பு சாதம் தயார்.
துவையல், வடகம், அப்பளம் அல்லது ஏதாவது ஃப்ரை அயிட்டத்துடன்  பரிமாறவும்.
இது கொங்கு ஸ்பெஷல். நான் பாசிப்பருப்பு சேர்த்திருக்கிறேன். உங்கள் விருப்பம் துவரம் பருப்பு சேர்த்தும் செய்யலாம்.இல்லையெனில் இரண்டும் கலந்தும் செய்யலாம். மிளகு சீரகம் பதில் மிளகாய்த்தூள் சேர்க்கலாம்,விரும்பினால் நறுக்கிய தேங்காய் துண்டுகள் சேர்க்கலாம்.