Friday, January 20, 2017

டூனா மீன் கட்லெட் / Tuna Fish Cutlet

இந்த கட்லெட் செய்து பரிமாறினால்
சிக்கன் கட்லெட்டா என்று தான் கேட்பார்கள் அல்லது ஃப்ரெஷ் ஃபிஷ் கட்லெட்  என்று நினைத்துக் கொள்வார்கள்.டூனா மீனில் கட்லெட் செய்தேன் என்று நீங்கள் சொன்னால் தான் தெரியும்.
இனி கட்லெட் செய்முறை:-

தேவையான பொருட்கள்;-
டின் டூனா - 170 கிராம் ( நல்ல குவாலிட்டி பிராண்ட்)
பொடியாக நறுக்கிய  வெங்காயம் - கால் கிலோ
பொடியாக நறுக்கிய  பச்சை மிளகாய் - 2 
பொடியாக நறுக்கிய இஞ்சி - 2 டீஸ்பூன்
பொடியாக நறுக்கிய பூண்டு - 2 டீஸ்பூன்
கால் டீஸ்பூன் - மஞ்சள்  தூள்
கரம் மசாலா - அரை டீஸ்பூன்
மிளகுத்தூள் - 1 அல்லது 2 டீஸ்பூன்
நறுக்கிய மல்லி இலை - சிறிது,  புதினா விரும்பினால் சிறிது சேர்த்துக் கொள்ளலாம்.
வேக வைத்த உருளைக்கிழங்கு -1 ( உருளைக்கிழங்கு பெயருக்கு கொஞ்சம் பிடிக்குமளவு சேர்த்தால் போதும்)
உப்பு - தேவைக்கு
முட்டை வெள்ளைக்கரு - 2
 ப்ரெட் துண்டுகள் - 4-6 ( ஃப்ரெஷ் ப்ரெட்  மிக்ஸி ஜாரில் பொடித்து வைக்கவும் - ஃப்ரெஷாக பொடித்து செய்வது தனிச் சுவையைத் தரும்)
எண்ணெய் - தேவைக்கு.

செய்முறை:-
ஒரு கடாயில் ஒரு டேபிள்ஸ்பூன் எண்ணெய் விட்டு பொடியாக நறுக்கிய வெங்காயம், பச்சை மிளகாய், இஞ்சி பூண்டு சேர்த்து சிறிது உப்பும் சேர்த்து நன்கு வதங்க விடவும்.



வதங்கிய பின்பு டின்  டூனாவை எண்ணெய் அல்லது தண்ணீரில் இருக்கும், அதனை சுத்தமாக வடித்து எடுத்து கடாயில் போட்டு நன்கு வெங்காயத்தோடு சேர்த்து வதக்கவும்.

கரம் மசாலா, காரத்திற்கு ஏற்ப மிளகுத்தூள் சேர்க்கவும்.( தனித் தனியாக சீரகம், சோம்புத்தூள்  என்று உங்கள் விருப்பப்படியும் சேர்க்கலாம்.) நான் இதில்,மஞ்சள் தூள் கரம் மசாலா, மிளகுத்தூள் மட்டுமே சேர்த்தேன்.
நறுக்கிய மல்லி இலை சேர்க்கவும்.மசித்த உருளைக்கிழங்கு சேர்க்கவும். சேர்த்து பிடிக்குமளவு சேர்த்தால் போதும். உப்பு சரி பார்க்கவும்.
 ஒரே அளவான உருண்டையாக பிடித்து வைக்கவும்.
உருண்டையை எடுத்து முட்டை வெள்ளைக்கருவில் முக்கி எடுத்து, ப்ரெட் கிரம்ஸில் பிரட்டி நீளவாக்கிலோ அல்லது வட்டமாகவோ தட்டி  தயாராக வைக்கவும்.
கடாயில் எண்ணெய் நன்கு சூடானவுடன் நெருப்பை  மீடியமாக வைத்து பொன் முறுகலாக டீப் ஃப்ரை அல்லது சாலோ ஃப்ரை பொரித்து எடுக்கவும்.
சுவையான டூனா மீன் கட்லெட் தயார்.


1 comment:

athira said...

ஆஹா இது எங்கள் வீட்டில் எல்லோரதும் பேவரிட், அடிக்கடி செய்வதுண்டு, சூப்பரா இருக்கும், ஆனா நாங்கள் இஞ்சி பூண்டு சேர்க்க மாட்டோம் மற்றும்படி இதே செய்முறைதான்.